كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    قواعد قيادة السيارات

    شاطر

    tarek
    5
    5

    الجنس : ذكر
    مصر
    تاريخ التسجيل : 01/06/2009
    عدد المساهمات : 105
    نقاط : 5810
    العمر : 32
    الموقع : Giza

    default قواعد قيادة السيارات

    مُساهمة من طرف tarek في الثلاثاء يونيو 09, 2009 1:46 pm

    القاعدة الأولى:

    لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

    ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!


    -------------------------------

    القاعده الثانيه:
    قاعدة البوز بيز:اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.

    ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.


    -------------------------------

    القاعدة الثالثة:

    الإشارات تكشف نواياك للأعداء، أياك أن تستخدمها!


    -------------------------------

    القاعدة الرابعة:


    لا تترك مسافة للأمان بينك و بين السياة التي أمامك فهذا له عدة مخاطر:


    1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

    2. حتدي فرصة للعيال يعملوا غرز قدامك.

    3. كل المشاة حيغمضوا عينيهم و يعدوا من الحته دي.

    4. الي وراك حيقعد يزمر - لو كان مؤدب -
    أو تسمع شوية أسامي حيوانات لو كان سواق تاكس - مؤدب - ،
    أو حيخبطك من ورا لو كان سواق ميكروباص - و دول مفيش حد منهم مؤدب -.

    الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

    اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).


    ------------------------------

    القاعدة الخامسة:

    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!


    -------------------------------

    القاعدة السادسة:

    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


    -------------------------------

    القاعدة السابعة:

    الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


    -------------------------------

    القاعدة الثامنة:

    من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟


    -------------------------------

    القاعدة التاسعة:

    من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.


    -------------------------------

    القاعدة العاشرة:

    إحترس من ثلاث أنواع من السائقيين بيسوقوا و كأنهم مش ممكن يموتوا:

    1. العيال الروشين الي بيلعبوا Computer Games فاكريين إن ممكن يكسبوا Life زيادة لو ساقوا أسرع

    2. موتوسيكلات توصيل الطلبات ( Home Delivery ).

    3. سواقين الميكروباص.

    ملحوظة: إوعى تحاول تثبت لحد منهم إن فكرته غلط. فاهمني!!!.


    -------------------------------

    القاعدة الحادية عشر:

    لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.


    -------------------------------

    القاعدة الثانية عشر:

    الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.


    -------------------------------

    القاعدة الثالثة عشر:

    لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


    -------------------------------

    القاعدة الرابعة عشر:

    من حقك أن تعبر الشارع في أي وقت و من أي مكان.


    -------------------------------

    القاعدة الخامسة عشر:

    اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟


    -------------------------------

    القاعدة السادسة عشر:

    اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.


    -------------------------------

    القاعدة السابعة عشر:

    حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

    عرض قفاك و سيبه يتفلق.


    -------------------------------

    القاعدة الثامنة عشر:

    الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة.


    -------------------------------

    القاعدة التاسعة عشر:

    إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة



    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7474
    الموقع : مصر

    default رد: قواعد قيادة السيارات

    مُساهمة من طرف M_Fayez في الثلاثاء يونيو 09, 2009 6:02 pm

    ههههههههههههههه
    شكرا اخي طارق
    احترامي

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8275
    العمر : 31
    الموقع : مصر



    default رد: قواعد قيادة السيارات

    مُساهمة من طرف meerooo في الثلاثاء يونيو 09, 2009 8:44 pm


    شكرا علي النصايح المهمة دي ..

    انا تقريبا ماشية بمعظمها ، عشان كده بنصح الناس يوم ما اسوق العربية

    انهم يتبعوا مبدا " خليك في بيتك احسن لك "

    ههههههههههههه


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    Amr Salama
    22
    22

    المنصب الإداري : مستشار الرئيس
    المنسق العام للمنتدي
    المشرف العام لمنتديات العلوم والتكنولوجيا
    الجنس : ذكر
    مصر
    تاريخ التسجيل : 07/06/2009
    عدد المساهمات : 529
    نقاط : 6387
    العمر : 34
    الموقع : عالم كاريزما

    default رد: قواعد قيادة السيارات

    مُساهمة من طرف Amr Salama في الثلاثاء يونيو 09, 2009 9:06 pm

    فعلا انا بمشى بمعظم القواعد اللى قلتها ياطاروق
    وبطبقها هنا فى الامارات عافيه طبعا من غير ما الشرطه تشوفنى ( ده سر بينا ) مع الشباب المواطنين اللى غاويين سرعه
    وبلطجه ..
    وعلشان انا مصرى ( كفايه انى سوقت فى مصر ) مش بيفلتوا منى غير السيارات اللى بتتجاوزنى من غير ما المحهم
    وانا على سرعه 220
    :afro:

      الوقت/التاريخ الآن هو الجمعة ديسمبر 09, 2016 12:00 am