كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك



انضم إلى المنتدى ، فالأمر سريع وسهل

كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


3 مشترك

    النتيجة

    ريتاج
    ريتاج
    2
    2


    الجنس : انثى
    مصر
    تاريخ التسجيل : 18/12/2009
    عدد المساهمات : 38
    نقاط : 10482
    العمر : 37
    الموقع : الجيزة

    الف مبروك النتيجة

    مُساهمة من طرف ريتاج الثلاثاء يوليو 06, 2010 11:19 pm

    كلنا اول ما نسمع اى خبر عن النتيجة لا احد يستطيع ان يمسك اعصابه من الخوف والتوتر..

    الكل قلقان ... الكل بيفكر.. الكل بيقول يا رب انجح ... الكل بيبقى مش قادر ياكل او يشرب.. وبيسأل .
    ...
    . يا ترى انا ناجح ولا ساقط؟؟؟

    الشعور بالنجاح شئ عظيم.. الشعور بالنجاح سعادة لا تضاهيها سعادة..

    والشعور بالفشل والعجز.. شعور مخزى ومهين

    بالنسبة للناجحين.. بيكون اجمل ايام حياتهم... لانهم تعبوا وسهروا وذاكروا واخدوا دروس .. وطول السنة فى ضغط نفسى ..

    الكل عاوز ينجح ويجيب تقدير عالى... وكل ما الواحد ذاكر اكتر . .بيكون خوفه اكبر . لانه خايف ما يجيبش التقدير اللى نفسه فيه...

    بس يوم النتيجة.. ولما يعرف انه نجح.. بيطير من الفرحة.

    . ويمشى يقول للناس فى كل مكان انا نجحت.

    . ويجرى على اهله فى البيت وياخد امه فى حضنه ويقولها انا نجحت..

    ويجرى على ابوه ويقبل ايده ويقوله انا نجحت انا نجحت. وتلاقى الكل فرحان

    .. وتلاقى الناجح يدخل على الفيس بوك ويكتب( انا نجححححححححححت يا بشر))

    وتلاقيه يعزم كل صحابه وجيرانه وأهله...

    . وهو من حقه يفرح... لانه تعب وربنا كرمه وكافأه على قد تعبه..

    . ومع ذلك تلاقى ناس من اللى نجحت بتبقى زعلانة انها ما بذلتش جهد اكبر فى المذاكرة ..

    لانها عارفة لو كانت ذاكرت اكتر كانت هتجيب تقدير اعلى...

    .اما بالنسبة للناس اللى ما نجحوش .. بيبقى اصعب يوم فى حياتهم... بيتمنوا لو ان الارض تنشق وتبلعهم...

    بيبقوا مش عاوزين اى حد يكلمهم .. ولا عاوزين يكلموا حد... ويبقى متضايق جدا لما يلاقى الناس كلها حوالين منه فرحانة وناجحة وهو الوحيد اللى فشل..

    ..وبيكون متضايق من نظرات الناس اليه .. لان الناس بتشوفه على انه فاشل ..

    غير نظرات اهله ونظرات صحابه المتفوقين.....وساعتها هيقول يا ريتنى كنت ذاكرت.. يا ريتنى ما كنت ضيعت وقتى فى الللعب واللهو... يا ريتنى كنت سمعت كلام اهلى وذاكرت.


    ..طب تعالو نسافر ليوم القيامة ونرجع تانى... تخيل نفس الموقف ده بيحصل يوم القيامة ..

    .. الناس يوم القيامة صنفين...

    صنف ناجح وهيدخل الجنة .. يا رب نكون منهم.. وصنف ساقط وهيدخل النار والعياذ بالله..

    الناس كلها بعد البعث .. واقفة فى صمت رهيييب.. وخشعت الاصوات للرحمان فلا تسمع الا همسا.

    .. الكل واقف مترقب.

    . الكل مستنى دوره للعرض على الملك الديان..

    الكل قلقان.

    . الكل خايف من مصيره هيكون ايه؟؟؟

    هيكون جنة ؟؟؟

    ولا نار؟؟؟

    والكل مستنى يسمع نتيجة الاختبار اللى كان فى الدنيا..

    . لاننا كلنا عارفين.. الدنيا اختبار وامتحان ... والنتيجة يوم القيامة...

    بالنسبة للناس اللى ربنا كرمها ونجاها من عذاب النار وهتدخل الجنة..

    . هيسجدوا شكر لله.. ويكونو فى قمة سعادتهم.

    . لانهم مروا على الصراط وشافوا النار وشافوا جهنم.

    .. وفرحانين ان ربنا نجاهم.. . ويطلعوا يجروا على اهلهم يبشروهم .

    ويقولوا لهم
    انا دخلت الجنة انا دخلت الجنة انا دخلت الجنة..

    . ويبقى الكل فرحان ان ربنا نجاه من النار... ويبقى مشتاق ومستنى ميعاد دخوله الجنة..

    .فَأَمَّا مَنْ أُوتِيَ كِتَابَهُ بِيَمِينِهِ (7) فَسَوْفَ يُحَاسَبُ حِسَابًا يَسِيرًا (8) وَيَنْقَلِبُ إِلَى أَهْلِهِ مَسْرُورًا (9) سورة الانشقاق

    ...وبالعكس..هنلاقى ناس... بتصرخ من الحسرة والندامة... ناس بتقول يا ليتنى كنت ترابا...

    ناس بتقول .. يا ليتنى لم أوت كتابيا ولم أدر ما حسابيا..

    يا ليتها كانت القاضية.. ما أغنى عنى ماليا.. هلك عنى سلطانيا....

    هنلاقى ناس بتقول يا رب نرجع للدنيا نعمل صالحا...

    هنلاقى ناس بتقول.. يارب احنا ندمنا وعرفنا اننا كنا غلطانين..واننا كنا عصاة.. وهيقولوا يارب نرجع للدنيا تانى..

    . هنلاقى ناس بتقول.. يا ريتنى كنت اطعت الرسول وما كنتش سمعت كلام الشيطان وهو النفس..

    هنلاقى ناس بتقول .. يا ريتنى كنت صليت... يا ريتنى كنت سمعت كلام والدى ولم اعيقهم..

    هنلاقى بنات بتقول يا ريتنى كنت اتحجبت...

    وَأَمَّا مَنْ أُوتِيَ كِتَابَهُ وَرَاءَ ظَهْرِهِ (10) فَسَوْفَ يَدْعُو ثُبُورًا (11) وَيَصْلَى سَعِيرًا.


    يااااااااااااااااااااااااااااااه .. حسرة وندامة والله... لما تلاقى الناس كلها داخلة الجنة وهو داخل جهنم والعياذ بالله.

    ..ونلاقى ايضا الناس اللى هتدخل الجنة تقول.. يا ريتنا كنا صلينا اكتر وصومنا اكتر... يا ريتنا كنا اتصدقنا اكتر .هتلاقى اهل الجنة بيندموا على كل ساعة مرت عليهم ولم يذكروا الله..

    لانهم عرفوا وشافوا النعيم اللى ربنا جعله لعباده الصالحين....


    ..انتهت رحلتنا ليوم القيامة وشفنا الناس اللى هتدخل الجنة والناس اللى هتدخل النار.... وعرفنا كل صنف منهم كان بيعمل ايه فى الدنيا..

    .ياترى انت عاوز تكون انهى فيهم؟؟؟؟؟

    اكيد نفسك تكون ناجح.. اكيد نفسك يوم القيامة تكون فخور و تقول للناس كلها انا نجحت ودخلت الجنة...

    .اكيد انت مش عاوز تكون من الناس اللى هتقول يا رب ارجع للدنيا عشان اصلى واصوم وارتدى الحجاب.

    ..خلى بالك ..امتحان الدنيا فيه دور تانى وفيه اعادة للامتحانات ولو سقطت ممكن تمتحن تانى وتنجح .

    . لكن امتحان الاخرة هو دور واحد بس.... ما فيش اعادة.. يا ناجح يا إما ..... ناجح إن شاء الله.

    إبدا ذاكر من دلوقتى.. وصدقنى والله كل ما هتعبد ربنا اكتر وتصبر على الطاعة كل ما هيكون ثوابك فى الجنة اكبر إن شاء الله...

    ما تضيعش الوقت وتندم عليه بكره.. إبدأ إستعد للجنة من دلوقتى
    M_Fayez
    M_Fayez
    53
    53


    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 12790
    الموقع : مصر
    النتيجة 57401364

    الف مبروك رد: النتيجة

    مُساهمة من طرف M_Fayez الثلاثاء يوليو 06, 2010 11:52 pm

    رائع جدا ياريتاج
    اللهم اجعلنا من الناجحين الفائزين يارب العالمين
    نورتي من جديد
    ريتاج
    ريتاج
    2
    2


    الجنس : انثى
    مصر
    تاريخ التسجيل : 18/12/2009
    عدد المساهمات : 38
    نقاط : 10482
    العمر : 37
    الموقع : الجيزة

    الف مبروك رد: النتيجة

    مُساهمة من طرف ريتاج السبت يوليو 10, 2010 11:32 pm

    شكراً جزيلا ويارب يجعلنا جميعاً فائزين فى أمتحان يوم الموقف العظيم
    يارب العالمين

    ayooosh
    ayooosh
    55
    55


    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 12620
    العمر : 33
    الموقع : مصر
    النتيجة 99756771

    الف مبروك رد: النتيجة

    مُساهمة من طرف ayooosh الأربعاء يوليو 21, 2010 11:45 pm

    هو ده الكلام المظبوط يا ريتاج بجد التوبيك جاى ف وقته بكره نتيجتى هتظهر وخايفه موووت ومش باكل ولا بنام مش عارفه ليه يلا ربنا يسترها معانا
    رب اجعلنى من الناجحين فى الدنيا والاخره
    M_Fayez
    M_Fayez
    53
    53


    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 12790
    الموقع : مصر
    النتيجة 57401364

    الف مبروك رد: النتيجة

    مُساهمة من طرف M_Fayez الخميس يوليو 22, 2010 12:04 pm

    ربنا يطمن قلبك ياايوش وان شاء الله خير ونفرح كلنا بنجاحك
    انا اخويا الحمدلله نجح عقبالك يارب بس ليه النتيجه جت بدري السنه دي كدا اول مرة تجارة تبان في 7؟؟

    ayooosh
    ayooosh
    55
    55


    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 12620
    العمر : 33
    الموقع : مصر
    النتيجة 99756771

    الف مبروك رد: النتيجة

    مُساهمة من طرف ayooosh الجمعة يوليو 23, 2010 9:01 pm

    انا الحمد لله نجحت يا مونى ميرسى يا حبيبتى النتيجه ظهرت بدرى لان النظام اتغير بقى اميركن والتصحيح الكترونى يعن كان المفروض يظهر بدرى كمان بس عشان الدفعه عددها كبير اتاخرت شويه
    والف مبروك لاخوكى وعقبال البكالريوس
    M_Fayez
    M_Fayez
    53
    53


    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 12790
    الموقع : مصر
    النتيجة 57401364

    الف مبروك رد: النتيجة

    مُساهمة من طرف M_Fayez الجمعة يوليو 23, 2010 9:10 pm

    الف مبرووووووووووووك يايويو
    عقبال التخرج
    ayooosh
    ayooosh
    55
    55


    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 12620
    العمر : 33
    الموقع : مصر
    النتيجة 99756771

    الف مبروك رد: النتيجة

    مُساهمة من طرف ayooosh السبت يوليو 24, 2010 4:43 am

    ميرسى يا مونى ربنا يكرمك ويخليكى
    ريتاج
    ريتاج
    2
    2


    الجنس : انثى
    مصر
    تاريخ التسجيل : 18/12/2009
    عدد المساهمات : 38
    نقاط : 10482
    العمر : 37
    الموقع : الجيزة

    الف مبروك رد: النتيجة

    مُساهمة من طرف ريتاج الأربعاء يوليو 28, 2010 9:10 pm

    ألف ألف مبروك يا أيوووش وعقبال التخرج و بعدين ماجستير و الدكتوراه كمان طبعاً مش ناسين العريس

      الوقت/التاريخ الآن هو الثلاثاء مارس 19, 2024 6:38 am