كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    انا بحبك اكتر

    شاطر

    unknown_2025
    5
    5

    الجنس : ذكر
    مصر
    تاريخ التسجيل : 19/03/2010
    عدد المساهمات : 105
    نقاط : 5061
    العمر : 33
    الموقع : egymedicalrep

    good انا بحبك اكتر

    مُساهمة من طرف unknown_2025 في الخميس مارس 25, 2010 10:49 am

    صوت هاتفي المحمول كانه ياتي من بئر عميق ، ارد والنعاس ما زال يداعب عيني، الو مين ؟
    صوت رجل مهزوز : حضرتك دكتور باسم ؟
    - ايوة انا باسم اؤمرني
    - اسف انا قلقت حضرتك في وقت متاخر بس الموضوع انساني اووي,
    - اتفضل يا حضرة اتكلم
    - هو حضرتك ما تعرفنيش بس تعرف صاحبة المشكلة ،
    - يا استاذ تشرفت بيك ممكن تفهمني في ايه؟ انت بتكلمني بخصوص مريضة في المستشفى؟
    - انت حضرتك عرفت ازاي؟
    - لا انا متعود على كده عموما خلى الدكتور وليد النايب اللي عندك يبص على الحالة
    ولو محتاجة حاجة خليه هو يطلبني.
    - لا حضرتك فهمتني غلط انا بكلمك بخصوص مروة ..... مدام مروة زكريا, الاسم فكر حضرتك
    بحاجة؟
    طار النوم من عيني بمجرد سماع الاسم
    - مروة زكريا اخت بشمهندس يحيى؟؟؟؟؟ ايوة يا دكتور انا يحيى
    - ازيك يا يحيى اخبارك ايه
    - انا كويس، بس عايزك في موضوع ضروري، مروة في المستشفى،
    - حاولت ان اكون هادئا :مستشفى ايه كفا الله الشر،
    - مستشفى ....... ،
    - اااه دكتور مين اللي مسؤول عن الحالة هوصي عليها،
    - معلش يا دكتور انا بتصل عليك مروة عايزة تشوفك،
    - ايوة يا يحيى بس انت عارف مش هينفع,
    - دكتور باسم اعذرني على تجاوزي، بقول لحضرتك حالة انسانية مروة في حالة خطيرة
    ونفسها تشوفك؟!! .................... عموما يا دكتور هي في مستشفى .... ....لسة
    خارجة من العناية المركزة، بس لو هتيجي الحقها قبل ما تضيع منا. شكرا يا دكتور.
    اغلق السماعة وتركني مع نفسي وذكرياتي، وجدت نفسي ارتدي ملابسي على عجل وشريطالذكريات يدور امام عيني كانني ما زلت اعيش احداثه....
    ******************
    - انت بتحبني اكتر ولا انا بحبك اكتر،
    - طبعا انا بحبك اكتر يا اجمل مروة ربنا خلقها.
    - مستحيل طبعا دا انا حاسة اني بحبك اكتر من بابا وماما وكل الدنيا،
    - اثبتيلي وانا ابصم بالعشرة
    - انت عارف انا بحبك اد ايه من غير اثبات، الايام هي اللي هتعرفك، بس عارف لو يوم
    نسيتني ، او حتى اتاخرت عليا ، صدقني هقتلك،
    - واهون عليكي،
    - ما انا هموت نفسي بعدها عشان برضه ابقى معاك..!
    ********************************
    - مالك شكلك تعبان اوي وعنيكي حمرا،
    - انت عارف ارهاق المذاكرة بقى،
    - بس والله شكلك في حاجة دا انا عارفك اكتر من نفسك،
    - باسم اي الحاجة اللي ممكن تفرقنا عن بعض؟
    - لي بتقولي كده؟
    - رد عليا بس؟
    - بس افهم في ايه انا عارف دماغك!!
    - وحياتي عندك ترد عليا وبس
    - مفيش حاجة تقدر تبعدني عنك ياقلبي، ما تقوليش كده تاني. هي خالص؟ انا : اي يا
    مرمر مالك انهردا
    - يعني ما فيش حاجة تبعدك عني خالص، انا: ما فيش الا الموت طبعا بعد الشر يعني
    - ربنا يجعل يومي قبل يومك، انا: مالك بقى في اي فضفضي .هي والدموع تغرق عينيها:
    هفضفض !!
    ******************************
    - انتي بتستعبطي ، ما تخليش الشيطان يعمل بيننا كده.
    - مش شيطان يا باسم انا خلاص واخدة قرار, وواخداه عشانك انت.
    - عشاني انا هتسيبيني،
    - لا عشان حياتك وحياتي تستمر بمشاكل اقل،
    - يا بنتي انا مش في دماغي اي حاجة خلاص من اللي حصل.
    - وانا مش هبقى عايشة مستريحة وانا عارفة انك عارف اني كان في حياتي قبلك,
    - بس انتي بتحبيني الوقتي وانا بحبك.
    - هي: وانا هفضل احبك طول عمري, بس انت ما بتشوفش نفسك بتبقى عامل ازاي لما
    بتشوفه،نظرتك لوحدها بترعبني وهتفضل كده طول عمرك، صدقني انا باجي على نفسك
    عشانك.
    - طب ناخد الموضوع بالعقل.
    - انت ما سبتش عندي عقل ، وانا ما بستحملش نظرتك.
    - يوووووووووووووووووووووووووووه ما خلاص بقى انا زهقت من الفيلم دا. راجعي نفسك
    وخدي فرصتك. انا معدتش عارف افكر ولا ارد، جاية تقوليلي كدا دلوقتي، طب راعي ظروفي
    نتي عارفة اللي انا فيه.
    - كل يوم بتعلق بيك اكتر وانا مش عايزة دا. قدر دي كويس يا باسم
    - اقدر ايه يا انسة ، بقولك ايه يللا نروح
    ********************************
    - هي والدموع تترقرق في عينيها: باسم ارجوك سامحني، انا ما ظلمتكش، انا حاولت اجي
    على نفسي عشانك.
    - انا بكل بروود: صحيح انتي عملتي الصح، عايزة مني اي الوقتي.
    - مش عايزة حبك رغم ان دي حاجة بتموتني، مش عايزة قلبك ،بس مش عايزة نظرتك دي
    عايزاك بس تسامحني، تديني فرصة.
    - اسامحك!!! حاضر ، مسامحك اي خدمة تاني.
    - دا انت في اسوأ ظروفنا ما اكلمتش معايا كده، اي اللي حصلك.
    - انا اي اللي حصلي، اسمحك على ايه، على انك سبتيني في اسوأ ظروف حياتي، على انك
    قدرتي تبعدي سنة كاملة!!! على انك حاولتي تقربي من غيري واسالك مين دا تقوليلي
    واحد برتاحله شوية!!!
    - انت عارف كنت بعمل كده عشان اقدر ابعد وابعدك عني.
    - لا يا هانم ما اقدرش، انتي ما عشتيش اللي انا عشته ، ما تعرفيش الايام عدت عليا
    ازاي!! وانا كنت هبوس رجلك عشان عارف اللحظة دي هتيجي. بعد اذنك عشان عندي شغل.
    *********************************
    دخلت المستشفى مسرعا، سالت عن غرفتها، توجهت ركضا اليها،
    قابلني يحيى ملهوفا : بشكرك انك جيت يا دكتور، من ساعة الحادثة مش عى لسانها الا
    فينك يا باسم، سايبني كده ازاي. ارجوك يا دكتور ..... تركته يتكلم ودخلت عليها
    كانت في حالة لا وعي وجسمها مغطى بالضمادات في كل مكان. امسكت اناملها برفق.
    - فتحت عينيها ببطء وبصوت خافت واهن: باسم انت جنبي، مش مصدقة نفسي. احلى حاجة
    اني شفتك قبل ما اموت.
    - كنت احاول حبس الدموع: ما تقوليش كده انشاء الله تقومي بالسلامة.
    - ما تضحكش عليا انا عارفة نفسي، عشان خاطري قولي انك مسامحنى، عايزة اموت مرتاحة.
    - مروة ما تقوليش كده صدقيني هتقومي بالسلامة.
    - طب قولي انك مسامحني. ريحني!
    - مسامحك يا اغلى واحدة عرفتها،
    - قولها من قلبك.
    - والله من قلبي.
    - انا ما بطلتش احبك ثانية واحدة، تسمحلي؟
    - ايه؟
    - بحبك ............مش مستنياك ترد. انا كده هموت مستريحة، عايزاك تعرف اني ما
    ظلمتكش، وما خنتكش في خيالي لحظة.
    - عايزك تستريحي بس وهنتكلم لما تقومي كتير،
    - طيب انا هنام بس ما تسيبنيش.
    - حاضر!
    ****************************
    - يحيى هي نامت الوقتي هطلع للدكتور يطمنا عليها ونازل لك.
    - اتفضل يا دكتور.
    - اومال استاذ محمد .....جوزها فين؟
    - نايم في الاوضة اللي جنبها برضه حالته خطيرة.
    - طيب هطلع ونازل لك ربنا يستر عليهم.
    - اتفضل.
    **********************************
    جلست في حجرة الطبيب في المستشفى احبس المي ودموعي، الحالة ميئوس منها ولا حيلة الا الدعاء، الممرضة تدخل ملهوفة: الحق يا دكتور، المدام في غرفة 108 حالتها خطر خالص، ركضت انا والطبيب لغرفتها، نظرت لوجهها تلفظ انفاسها الاخيرة وعينيها غارقة في عيني ، مدت يدها الي، امسكت يدها واحتضنتها بقوة، و..و...و.. وفاضت روحها.

    خرجت بعد وقت مذهولا لا الوي على شئ، قابلني يحيى مدمع العينين، بيده طفل في عمر الثالثة ، سالت يحيى: ابنها؟ اومأ بالإيجاب . اسمك اي يا حبيبي: اثمي باثم هو ماما كويثة!!!
    انسكبت الدموع من عيني حينها وتمنيت لو اني كنت سامحتها !!!!!

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7474
    الموقع : مصر

    good رد: انا بحبك اكتر

    مُساهمة من طرف M_Fayez في الخميس مارس 25, 2010 3:30 pm

    قصه مؤلمه جدا
    شكرا لك
    تحياتي


    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7304
    العمر : 26
    الموقع : مصر

    good رد: انا بحبك اكتر

    مُساهمة من طرف ayooosh في الخميس مارس 25, 2010 3:52 pm

    قصه رهيبه بجد مقدرتش امسك دموعى دام قلمك
    تحياتى


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

    Rony
    15
    15

    الجنس : انثى
    مصر
    تاريخ التسجيل : 20/08/2009
    عدد المساهمات : 354
    نقاط : 5901
    العمر : 30
    الموقع : cairo

    good رد: انا بحبك اكتر

    مُساهمة من طرف Rony في الخميس مارس 25, 2010 11:43 pm

    حلوة اووى القصه بجد..تحياتى

    كاظم المصري
    17
    17

    المنصب الإداري : مشرف النادي الترفيهي
    الجنس : ذكر
    مصر
    تاريخ التسجيل : 06/08/2009
    عدد المساهمات : 422
    نقاط : 5855
    العمر : 37
    الموقع : الرياض

    good رد: انا بحبك اكتر

    مُساهمة من طرف كاظم المصري في الجمعة مارس 26, 2010 12:05 am

    بجد يا انون زى ما عودتنا
    مواضيعك كلها جميله
    تقبل مرورى

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8275
    العمر : 31
    الموقع : مصر



    good رد: انا بحبك اكتر

    مُساهمة من طرف meerooo في الجمعة مارس 26, 2010 1:00 pm

    قصة مؤثرة جدا جدا
    تحياتي لقلمك البارع


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    unknown_2025
    5
    5

    الجنس : ذكر
    مصر
    تاريخ التسجيل : 19/03/2010
    عدد المساهمات : 105
    نقاط : 5061
    العمر : 33
    الموقع : egymedicalrep

    good رد: انا بحبك اكتر

    مُساهمة من طرف unknown_2025 في السبت مارس 27, 2010 6:31 pm

    شكرا ليكم كلكم على مروركم
    [ندعوك للتسجيل في المنتدى أو التعريف بنفسك لمعاينة هذه الصورة] تحياتي

    صفاء
    40
    40

    الجنس : انثى
    مصر
    تاريخ التسجيل : 30/08/2009
    عدد المساهمات : 996
    نقاط : 7041
    العمر : 36
    الموقع : دنيا الخيال

    good رد: انا بحبك اكتر

    مُساهمة من طرف صفاء في الإثنين مارس 29, 2010 9:37 pm

    بجد قصة جميلة جدا ورائعة وبجد مؤلمة أوووي
    شكرا لك
    تقبل مروري

    gana
    6
    6

    الجنس : انثى
    مصر
    تاريخ التسجيل : 30/12/2009
    عدد المساهمات : 135
    نقاط : 5240
    العمر : 29
    الموقع : -

    good رد: انا بحبك اكتر

    مُساهمة من طرف gana في الأربعاء مارس 31, 2010 11:01 am

    السلام عليكم ...قصه جميلة اوى اوى اوى انا بجد أتاثرت جدا بيها ..تسلمى ياقمر

    dr_fayez
    16
    16

    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 6029

    good رد: انا بحبك اكتر

    مُساهمة من طرف dr_fayez في الخميس مايو 27, 2010 10:34 pm

    انا بحبك اكتر
    ماشى ياعم عمرو دياب
    قصه جميله يامعلم بس مش ملاحظ انها غريبه يعنى
    مش عارف ليه مش مصدقك ههههههههه
    تحياتى ياعم ودام قلمك
    وعمرك وديابك



    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    Mr.Bl@ck
    32
    32

    الجنس : ذكر
    مصر
    تاريخ التسجيل : 30/11/2009
    عدد المساهمات : 782
    نقاط : 6051
    العمر : 34
    الموقع : ان شـاء الله عند ربنا قريب

    good رد: انا بحبك اكتر

    مُساهمة من طرف Mr.Bl@ck في السبت مايو 29, 2010 3:56 pm

    سرد جميل
    اعتقد ان الكتابه اخدت وقت قليل منك
    لانك حاولت انك تخلى اللى ادامك يعيش فى قصه ويتخيلها
    مش انها تدخل فى نطاق الواقعيه
    بس فعلا كتابه بطريقه جميله وادخالك للقارئ فى حاله يعنى انك نجحت فى قصتك
    ربنا معاك وتوصل لدرجه الاحترافيه فى كتابه القصه
    بأنك تحاول تخليها اقرب للواقعيه
    لانى اعتقد ان دا اصحب انواع الكتابات
    تحياتى

      الوقت/التاريخ الآن هو الخميس ديسمبر 08, 2016 8:07 pm