كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    على اسم مصر

    شاطر

    ريتاج
    2
    2

    الجنس : انثى
    مصر
    تاريخ التسجيل : 18/12/2009
    عدد المساهمات : 38
    نقاط : 5162
    العمر : 30
    الموقع : الجيزة

    default على اسم مصر

    مُساهمة من طرف ريتاج في الأحد ديسمبر 20, 2009 7:55 pm

    عـلـــى أســـــــــــم مصـــــــــــــر

    [ندعوك للتسجيل في المنتدى أو التعريف بنفسك لمعاينة هذه الصورة]


    على اسم مصر التاريخ يقدر يقول ما شاء


    أنا مصر عندي أحب وأجمل الأشياء


    بحبها وهي مالكة الأرض شرق وغرب


    وبحبها وهي مرمية جريحة حرب


    بحبها بعنف وبرقة وعلى استحياء


    واكرهها وألعن أبوها بعشق زي الداء


    واسيبها واطفش في درب وتبقى هي ف درب


    وتلتفت تلاقيني جنبها في الكرب


    والنبض ينفض عروقي بألف نغمة وضرب


    على اسم مصر
    ...

    مصر النسيم في الليالي وبياعين الفل


    ومرايه بهتانة ع القهوة .. أزورها .. واطل


    القى النديم طل من مطرح منا طليت


    والقاها برواز معلق عندنا في البيت


    فيه القمر مصطفى كامل حبيب الكل


    المصري باشا بشواربه اللي ما عرفوا الذل


    ومصر فوق في الفراندة واسمها جولييت


    ولما جيت بعد روميو بربع قرن بكيت


    ومسحت دموعي في كمي ومن ساعتها وعيت


    على اسم مصر
    ....

    أنا اللي اسمي حتحـور .. أنا بنت رع


    مثـال الأمـومـة ورمـز الحـنـان


    تفـيض حـلمـاتي وتمـلا الـتـرع


    وتسـقـي البـشـر كلهـم والغـيـطان


    نهايته يا مصر اللي كانت أصبحت وخلاص


    تمثال بديع وانفه في الطين غاص


    وناس من البدو شدوا عليه حبال الخيش


    والقرص رع العظيم بقى صاج خبيز للعيش


    وساق محارب قديم مبتورة ف أبو قرقاص


    ما تعرف اللي بترها سيف والا رصاص


    والا الخراب اللي صاب عقل البلد بالطيش


    قال ابن خلدون أمم متفسخة تعيش ليش


    وحصان صهل صحى جميع الجيش


    على اسم مصر
    .....

    النخل في العالي والنيل ماشي طوالي


    معكوسة فيه الصـور .. مقلوبة وانا مالي


    يا ولاد أنا ف حالي زي النقش في العواميد


    زي الهلال اللي فوق مدنة بنوها عبيد


    وزي باقي العبيد باجري على عيالي


    باجري وخطوي وئيد من تقل أحمالي


    محنيه قامتي .. وهامتي كأن فيها حديد


    وعينيا رمل العريش فيها وملح رشيد


    لكني بافتحها زي اللي اتولدت من جديد


    على اسم مصر ....


    مصر .. التلات أحرف الساكنة اللي شاحنة ضجيج


    زوم الهوا وطقش موج البحر لما يهيج


    وعجيج حوافر خيول بتجر زغروطة


    حزمة نغم صعب داخلة مسامعي مقروطة


    في مسامي مضغوطه مع دمي لها تعاريج


    ترع وقنوات سقت من جسمي كل نسيج


    وجميع خيوط النسيج على نبرة مربوطة


    أسمعها مهموسة والا أسمعها مشخوطة


    شبكة رادار قلبي جوه ضلوعي مضبوطة


    على اسم مصر
    .....

    وترن من تاني نفس النبرة في وداني


    ومؤشر الفرحة يتحرك في وجداني


    وأغاني واحشاني باتذكرها ما لهاش عد


    فيه شيء حصل أو بيحصل أو حيحصل جد


    أو ربما الأمر حالة وجد واخداني


    انا اللي ياما الهوى جابني ووداني


    وكلام على لساني جاني لابد أقوله لحد


    القمح ليه اسمه قمح اليوم وأمس وغد


    ومصر يحرم عليها .. والجدال يشتد


    على اسم مصر

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8271
    العمر : 31
    الموقع : مصر



    default رد: على اسم مصر

    مُساهمة من طرف meerooo في الأحد ديسمبر 20, 2009 8:56 pm

    عم الشعراء صلاح جاهين
    أشكرك ريتاج علي إمتاعنا بهذه القصيدة
    [ندعوك للتسجيل في المنتدى أو التعريف بنفسك لمعاينة هذه الصورة]


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7300
    العمر : 26
    الموقع : مصر

    default رد: على اسم مصر

    مُساهمة من طرف ayooosh في الأحد ديسمبر 20, 2009 9:38 pm

    اشكرك ريتاج على النثر واحسنتى الانتقاء اشكرك


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

    Mr.Bl@ck
    32
    32

    الجنس : ذكر
    مصر
    تاريخ التسجيل : 30/11/2009
    عدد المساهمات : 782
    نقاط : 6047
    العمر : 34
    الموقع : ان شـاء الله عند ربنا قريب

    default رد: على اسم مصر

    مُساهمة من طرف Mr.Bl@ck في الإثنين ديسمبر 21, 2009 3:38 am

    واضح انى كدا هابتدى اتعب قلبى علشان الاحق على الحاجات الحلوه دى

    زيزو

    ريتاج
    2
    2

    الجنس : انثى
    مصر
    تاريخ التسجيل : 18/12/2009
    عدد المساهمات : 38
    نقاط : 5162
    العمر : 30
    الموقع : الجيزة

    default رد: على اسم مصر

    مُساهمة من طرف ريتاج في الإثنين ديسمبر 21, 2009 2:14 pm

    أشكرك جداً على الكلام الجميل وأرجوا من نفسى أن أقدم موضوعات دائما تحوز أعجاب الجميع
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الثلاثاء ديسمبر 06, 2016 12:14 pm