كاريزما

زائرنا الكريم

يسعدنا ان تكون احد افراد اسرتنا
شاركنا لتصنع عالمك وتمتع معنا بأعلي قدر من الخصوصيه والإحترام المتبادل
وتأكد ان اختيارك لنا هو الإختيار الصحيح

تحياتنا اليك

عيش عالمك .. إصنعه بنفسك



انضم إلى المنتدى ، فالأمر سريع وسهل

كاريزما

زائرنا الكريم

يسعدنا ان تكون احد افراد اسرتنا
شاركنا لتصنع عالمك وتمتع معنا بأعلي قدر من الخصوصيه والإحترام المتبادل
وتأكد ان اختيارك لنا هو الإختيار الصحيح

تحياتنا اليك

عيش عالمك .. إصنعه بنفسك

كاريزما

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


2 مشترك

    دعوه الى التدخين (ماتصدقوش)

    dr_fayez
    dr_fayez
    dr_fayez
    16
    16


    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 11841
    • مساهمة رقم 1

    دعوه الى التدخين (ماتصدقوش) Empty دعوه الى التدخين (ماتصدقوش)

    مُساهمة من طرف dr_fayez الجمعة يونيو 05, 2009 2:56 pm

    [ندعوك للتسجيل في المنتدى أو التعريف بنفسك لمعاينة هذه الصورة]



    اوعى تسمع كلام اللى يقولك بطل الساجير ,ده يبقي واد توتو وما يعرفش فوايد التدخين.
    عارف ليه؟؟اقولك انا:


    التدخين يضفى عليك مظهر الرجولة:

    اذا كنت حاسس انك عيل ومنظرك ما يجيبش راجل ابدا,امسك سيجارة وانفخ فى وش الخلق,حيفتكروك راجل على طول.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين ببطء وتركيز يعطى ايحاء باهميتك وعمق تفكيرك:

    اذا كانوا الناس مستهدفين شخصيتك ومنتش مالى عينهم,ولع سيجارة, اسحب كل نفس منها ببطء جدا وانفخه لفوق بعنطزة, الناس حيفتكروا انك عقلية علمية فذة, وخيبقي شكلك ولا لاكى لوك في زمانه.

    [ندعوك للتسجيل في المنتدى أو التعريف بنفسك لمعاينة هذه الصورة]

    تدخين السجاير علاج ممتاز لبطء التفكير:

    اذا اتزنقت وذكائك مش ساعفك بتصرف سريع ,ولع سيجارة, على ما تولع وتشد وتنفخ, بيكون ربنا فرجها وحتة الدهنة اللى جوة الجمجمة طلعت رد, وماحدش يلحق يحس انك موحوس.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين يجمع البنات الحلوة حواليك:

    ويحاوطوا سريرك كمان, ويقعدوا يتغزلوا فيك ويقولوا لبعض: يا سلام لو كل العيانين اللى بيدخلوا لنا قسم الامراض الصدرية شباب حلوين كده.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين يحافظ على صحتك من الامراض المعدية:

    طبعا ما الدبان نفسه مش حيهوب ناحيتك وحيقرف من ريحة بقك.
    التدخين يحافظ على مظهرك ويحميك من مشاكل الشيخوخة:
    ماهو حيموتك بدري قبل ما تلحق تشيب او تصلع.

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة يمكن ان تنقذ مستقبلك:

    اسرق الخزنة وارمى السيجارة على الارض قبل ما تخرج, ان الله حليم ستار.
    ملحوظة : استعمل سجاير غير اللى انت متعود عليها علشان عقب السيجارة وحكومتك مفتحة يا ريس.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين يجعلك شخصا متميزا:

    طبعا ماهو دونا عن خلق الله انت الوحيد اللى بتطلع الغازات.....من بقك.

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة تجعل منك رجلا ذو بصمة لا تمحى من ذاكرة الناس:

    اي حتة بتدخلها الناس مش ممكن ينسوا انك شرفتها , وحتى اللى دخلوا بعد خروجك حيعرفوا انك كنت موجود من الريحة الـ.....

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة تكسبك الاحترام:

    اول ما تدخل حتة الناس تقوم واقفة على حيلها, ويروحوا جري يفتحوا الشبابيك , وكمان يخدموا عليك ويجبولك الطفاية.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين يضفى عليك سيما الوقار والهدوء:

    لو انت بتدخن من زمان وحاولت تمشي بسرعة او تجري وتنط السلم زى العيال, حاتنهج ونفسك يتكرش وحا تبقي حالتك تصعب على الكافر.

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة بتهدى اعصابك لما تكون متغاظ:

    هو صحيح في حاجات كتير ممكن تهدى الاعصاب زى الينسون او الكركديه بس شكلك بالسيجارة بيحسس الناس انك فعلا شايط وبتطلع دخان.

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة تساعدك على تجاوز المحن والفرفشة:

    دايما في الافلام العربي اول ما البطل ما تحصل له مصيبة يطلع على الكباريه, السيجارة في ايد والكاس في ايد واخر الفيلم يتجوز الرقاصة.

    [ندعوك للتسجيل في المنتدى أو التعريف بنفسك لمعاينة هذه الصورة]

    السجائر تقوم سلوكك وتحميك من الانزلاق فى الرذيلة:

    ما انت لو بس حاولت تقرب من واحدة حاتقرف من ريحة بقك وتهشك فورا.

    [ندعوك للتسجيل في المنتدى أو التعريف بنفسك لمعاينة هذه الصورة]

    التدخين يحسن علاقتك بزوجتك:

    انت بتفقد حاسة التذوق تدريجيا فمش هتاخد بالك من طعم العك اللى بتطبخه هى وتوفر على نفسك البهدلة لو اتريقت على طبيخها.

    [ندعوك للتسجيل في المنتدى أو التعريف بنفسك لمعاينة هذه الصورة]

    لو كنتى بنت السيجارة بتكتر المعجبين بيكي:

    منظر السيجارة في ايد البنت بيوحي انها بنت مودرن ومتحررة وايزي فيتلم الشباب حواليها اللى بيدوروا على بنت ايزي.

    [ندعوك للتسجيل في المنتدى أو التعريف بنفسك لمعاينة هذه الصورة]

    السيجارة ممكن تفتحلك باب مكسب كبير:

    لو استعملتيها مع مبسم طويل وشوية ماكياج بيلمع حتديلك مظهر المحترفات والبزنس مان يفرق معاه كتير الفرت امبرشين( الانطباع الاول).
    -----------------------------------------------------
    اتمنى في النهاية انى اشوف كل شاب وكل فتاة على المنتدى بيدخنوا علشان مستقبل افضل ليهم ولينا

    حتــي اسالوا     بيومي لو موش مصدقين


    بعد التدخين
    [ندعوك للتسجيل في المنتدى أو التعريف بنفسك لمعاينة هذه الصورة]

    منقول للافاده
    • الرجوع الى أعلى الصفحة
    M_Fayez
    M_Fayez
    M_Fayez
    53
    53


    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 13286
    الموقع : مصر
    دعوه الى التدخين (ماتصدقوش) 57401364
    • مساهمة رقم 2

    دعوه الى التدخين (ماتصدقوش) Empty رد: دعوه الى التدخين (ماتصدقوش)

    مُساهمة من طرف M_Fayez الجمعة يونيو 05, 2009 4:41 pm

    ماشي يادكتور مشكور على النصائح الغاليه
    يارب الكل يستفيد
    تحياتي
    • الرجوع الى أعلى الصفحة

      الوقت/التاريخ الآن هو الجمعة نوفمبر 22, 2024 10:57 am