كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    نصائح هامه كي تجعل زوجتك تدوب فيك

    شاطر

    tarek
    5
    5

    الجنس : ذكر
    مصر
    تاريخ التسجيل : 01/06/2009
    عدد المساهمات : 105
    نقاط : 5814
    العمر : 32
    الموقع : Giza

    good نصائح هامه كي تجعل زوجتك تدوب فيك

    مُساهمة من طرف tarek في الإثنين نوفمبر 02, 2009 7:32 pm

    1-
    الصبح وانت رايح على شغلك وهى نايمة تعمد اسقاط اى شئ او خبط على الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قولها مادام صحيتى حضري الفطار بقى




    2-
    اذا كنت بتتفرج على التلفزيون وهى عايزة تغير القناة 00 قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قولها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب


    (
    ملاحظة : اغلب النساء ذو ثقافة كروية ضعيفة )





    3-
    اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة


    طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض




    4-
    فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها 27 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة




    5-
    لو عاملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يراعى التجول وانت مستمتع بأكل الجاتوة امامها




    6-
    متنساش رأيك فى طبيخها لو عاملة لحمة قولها حلو قوووى الفراخ دى 00ولو طبخة بامية 00 جميلة قوى الملوخية دي ياحياتي حاطة عليها اية ؟؟ ولو عملة كيكة قولها انا بحب
    اشرب شاى مع البسكويت الحلو دة !!




    7-
    لو طلبت منك تنشر الهدوم قولها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !




    8-
    لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية





    9-
    لو كانت مشغولة فى نظافة البيت او مع الاولاد وطلبت منك تغسل كوبايتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟




    10-
    وانت قاعد تتفرج على التلفزيون
    وهى طالع عينها فى تنظيف البيت وبعد ما تخلص وتيجى يادوبكك تقعد تستريح جنبك بصلها وقولها حبيبتى معلش ممكن كوباية مية علشان ضهرى بيوجعنى

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    good رد: نصائح هامه كي تجعل زوجتك تدوب فيك

    مُساهمة من طرف M_Fayez في الإثنين نوفمبر 02, 2009 10:54 pm

    هههههههههههههههههههههههه
    حرام عليك طب ليه كدا بس التعب دا
    مازي ماهتتعبها هتقرفك
    عادي يعني مش بنغلب احنا
    عموما شكرا لك


    tarek
    5
    5

    الجنس : ذكر
    مصر
    تاريخ التسجيل : 01/06/2009
    عدد المساهمات : 105
    نقاط : 5814
    العمر : 32
    الموقع : Giza

    good رد: نصائح هامه كي تجعل زوجتك تدوب فيك

    مُساهمة من طرف tarek في الثلاثاء نوفمبر 03, 2009 10:22 am

    فعلا مش بتغلبو

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    good رد: نصائح هامه كي تجعل زوجتك تدوب فيك

    مُساهمة من طرف meerooo في الأربعاء نوفمبر 04, 2009 1:50 am

    شكرات طارق علي الموضوع
    بس للاسف الموضوع مكرر
    و انت اللي حاططه قبل كده
    راجع النادي الترفيهي يوم 2 يونيو 2009


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو السبت ديسمبر 10, 2016 8:57 am