كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    مبروك يا حبيبتى

    شاطر

    tarek
    5
    5

    الجنس : ذكر
    مصر
    تاريخ التسجيل : 01/06/2009
    عدد المساهمات : 105
    نقاط : 5806
    العمر : 32
    الموقع : Giza

    default مبروك يا حبيبتى

    مُساهمة من طرف tarek في الأربعاء سبتمبر 23, 2009 10:55 am

    مصر الفرعونيه
    بابا انا عايز اتجوز اختى حت حور
    خلاص يا ابنى خليها تنقل حاجتها فى قوضتك.. وابقى هاتلها حجرين صوان
    هدية.. مبروك يا تاح


    مصر فى عصر الرومان

    تتجوزينى يا افروديت
    اتجوزك يا بانسيلوس
    يللا بينا نبنى كوخ ع البحر ونعيش هناك
    يللا



    مصر بعد الفتح الاسلامى
    ولدى خالد يا شيخ احمد بيريد يتجوز ابنتك البكر الكريمة.. وبيبنى
    خيمة.. ويقدم مهر بعير
    والله خالد ولدك زين الرجال .. وايش اتمنى غير رجل صالح يكون زوج
    لبنتى .. وكما قال رسول الله صلى الله عليه وسلم " ان جاءكم من ترضون
    دينه وخلقه فزوجوه " .... قيموا الافراح



    مصر 1919
    انت ح تتجوز بنت الحاج عبد الجليل .. انا كلمته خلاص ووافق .. وضب
    قوضتك وهات خلخال .. فرحك يوم الخميس اللى جاى
    طب مش اشوفها الاول يابا
    انت اتجننت يا ولد تشوفها ده ايه .. انت ح تتجوز والا تخبص
    حاضر يابا



    مصر 1960
    بقى يا ستى بنتك آمال جالها عريس
    ياألف نهار ابيض يا ألف نهار مبروك
    جدع طيب وابن حلال موظف فى الحكومه.. وماهيته مش بطالة .. اهو
    يبنوا حياتهم سوا بعد الجواز.. والا ايه رأيك يا أم العروسة؟
    الرأى رأيك يا أبو العروسة .. والله العيال ح يعجزونا يا ابو محمد
    فشر .. تدبل الوردة وريحتها فيها يا نرجوستى




    مصر فى عصر الانفتاح
    اخرسى يا بنت... انا اللى يتجوز بنتى لازم يكون عنده شقة تمليك
    وعربية وسوبر ماركو
    بس يا ماما
    ما فيش بس.. انا وابوكى قبل ما يموت فى الحرب كانت بتعدى علينا ايام
    ما بنلاقيش ناكل.. انا يا بنتى مش عايزاكى تتعذبى زى ما احنا
    اتعذبنا.. انتى ح تتجوزى فتحى ابن خالتك
    بس انا مش بحبه يا ماما
    الحب ما بيأكلش تونة فى الزمن ده يا فالحة
    امرك يا ماما



    مصر 2008
    البنت: بابا ريكو حييجى يقابلك بكره وهو راجع من المول مع ديدى
    متتكلمش معاه فى اى ماديات من فضلك انا بشترى راجل واحنا معانا كتير
    وبعدين الكلام فى المهر والعفش والقايمه والفرح ده موضه قديمه
    وحاجات بلدى ياى
    انا اتفقت معاه على كل حاجه والفرح فى كافيه ماريانو فى المعادى
    على الضيق كده وانا جيت اعزمك انت
    ومامى
    الاب: مبروك يا حبيبتى

    كاتيا
    1
    1

    الجنس : انثى
    لبنان
    تاريخ التسجيل : 29/07/2009
    عدد المساهمات : 15
    نقاط : 5391
    العمر : 36
    الموقع : بعلبك

    default رد: مبروك يا حبيبتى

    مُساهمة من طرف كاتيا في الأحد سبتمبر 27, 2009 7:39 am

    loooooooooooool
    maybe you are wright or maybe wrong but finally i laughed alot
    thanks

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7300
    العمر : 26
    الموقع : مصر

    default رد: مبروك يا حبيبتى

    مُساهمة من طرف ayooosh في الثلاثاء سبتمبر 29, 2009 11:47 pm

    فعلا تصور معقول بس لسه موصلتش للدرجه دى قوى

    اشكرك


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الثلاثاء ديسمبر 06, 2016 10:13 am