كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    يوميات شاب معاه موبايل ...

    شاطر

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8269
    العمر : 31
    الموقع : مصر



    default يوميات شاب معاه موبايل ...

    مُساهمة من طرف meerooo في الخميس يونيو 18, 2009 12:27 pm

    معــانــا النهـارده موضوع حساس جدا جدا

    هنتـكلم النهـارده عن مـوضـوع حلاوته انه جـاى على الجرح

    كتــير من الشباب عــنده موبايل .... وكتير من الشباب مش محتاج انه يبقى
    عــنده موبايل ..... وكتيـر من الشبـاب بيقولوا قال ايــه ما نقدرش نستغنى عنـه ما احنـا طول عمرنــا عايشـين من غيــره.....

    ودي بقى صفحــه من يوميات واحد من الشباب مش محتاج موبايل...بس هو عنده موبايل

    ياللا نشوف هو كاتب ايه






    انا بقالي 3 سنين جايب موبايل ... يعني بقالي 3 سنين جايب خط ... وبرده
    بقالي 3 سنين عمال انزل فى نغمــات .... نزلت كل نغمات الدنيـا لموبايلي
    .... دا على اساس أنه لما يرن النغمـه دي تشتغل ...

    و من هنا بقى ظهرت المشكله .... إنه يرن .... الموبايل مابيرنش خالص ...
    انا قلت يمكن العيب من الجهاز .... غيرت الجهاز ..طب من الخط....غيرت الخط
    .... طب ممكن من النغمــه .... غيرت النغمــه

    عملت كل المحاولات عشان أسمع نغمـة موبايلي بترن من غير ما اشغلهــا انا ... بس مفيــش فايده.. كل محاولاتي كانت نتيجتها بالفشــل..

    و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ....

    مش معقول....انا جالي ميسد كوول ... لأ لا يمكـن ....

    فكرت افتحها على طول ولا أروح أخد شاور الأول عشان أبقى مستعد ... دخلت
    حلقت دقنى و خدت شاور و عملت شعرى سبايك و حطيت بارفان و لبست احلى طقم
    عندى و لسه همسك الموبايل فى ايدى و..... وكانت الصدمه ....

    أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

    تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

    وبعد شهرين من تاريخ الميسد كنت ماشي في الشـارع رايح الدرس ... وفجأه
    حسيــت بهزه في جيبي ( فيبريشن بقى ) ..... و سمعــت نغمــة موبايلي ....

    انا طبعا مصدقتــش ان دا موبايلــي .... بس مكنش في حد بيـرد جنبي على
    موبايلـه ..... يا نهار ابيض .... دا موبايلي اللي بيرن و إفتكرت ان دي
    نغمتــي .....

    كان وقت جميل اوي وانا اول مره أسمع نغمتي فيها من غير ما اشغلها ... يا
    حلاوتــك يا نغمتــي ..... وقمــت مدخل ايدي في جيبـي و مطلــع الموبايل
    ..... و فتــحت المكالمه .....ونقول الووو

    لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....

    خسئت

    ساعتها تـــأكدت ان النمــره غلط ... بس انا ما رديتش عشــان ميعرفش إن
    النمره غلط و يحرمنــي من أجمل لحظـــات حياتي ... بس هو قفل ..... قفل
    لما انا مردتش عليـه .....

    و بعد الحدث ده رجعت البيــت و ما روحتش الدرس و إتعقــدت بصراحــه ....... و جــالي إكتــئاب .......

    الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ...

    كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

    حاولوا كتير معايا عشــان يخرجونــي من حالة الإكتــئاب إللي انا فيهــا
    لحد ما بابا جه وكلمنــي وقالي: الموبايل مش كل حاجه يا بنــي ... على
    أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

    و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

    فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....



    بعد فتره بدأت أتحســن و اقتنع بكلامهم و جيت في يوم وقمــت و نسيت حكاية
    الموبايل دي خالص .... وانا فاكر ســاعتها لما فتحــت التلفزيـون لقيــت
    إعلان لموبايل... حاولت اقلب القناه عشان ما افكرش.. لقيــت إعلان عصام
    الحضرى بتاع فودافون....

    حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...



    الإعلان دا أثر فيــه اوي...هو انا حتــى طايل نغمــه عاديه عشان يجبلي
    فيديو توووون .... الإكتئــاب رجعلي تاني ..... و قمــت قايم وجايب ورقه
    وقلم وكتبت :بابا ماما سامحـوني أنا كنت عايز أخف بس انا قررت خلاص انى
    انتحــر

    و جيـــت ارمي نفسي من البلكونــه .... بس سمعت الموبايل بتاعي بيرن ....

    اممممم دي نغمــة الرسايل أنا عارفها تين تين تين ..... فرحت اوي .....

    فتحت الرساله لقيت رساله .....



    "عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول............."



    لأ لأ ...... انتــم كده عايزين تموتوني

    آآآآآآآآآآآآآآآآآآآآآآآة بووووووووووووووم

    دا وهو بيقع م البلكونة


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    Amr Salama
    22
    22

    المنصب الإداري : مستشار الرئيس
    المنسق العام للمنتدي
    المشرف العام لمنتديات العلوم والتكنولوجيا
    الجنس : ذكر
    مصر
    تاريخ التسجيل : 07/06/2009
    عدد المساهمات : 529
    نقاط : 6381
    العمر : 34
    الموقع : عالم كاريزما

    default رد: يوميات شاب معاه موبايل ...

    مُساهمة من طرف Amr Salama في الخميس يونيو 18, 2009 4:20 pm

    ههههههههههههههههههه
    حقيقى قصة فطستنى من الضحك .. فظيعة
    شكراا ياميرو.



    Very Happy :lol: :P

    MARYOOMA
    20
    20

    المنصب الإداري : مشرفة وحدة الصور
    الجنس : انثى
    مصر
    تاريخ التسجيل : 19/05/2009
    عدد المساهمات : 489
    نقاط : 6061
    العمر : 20
    الموقع : carizma.own0.com


    default رد: يوميات شاب معاه موبايل ...

    مُساهمة من طرف MARYOOMA في الخميس يونيو 18, 2009 7:03 pm

    هههههههههههههههههههههه
    بجد بجد بجد يا ميرووو قصه رااااائعه ههههههههههههههه بس هو الولد دا مأفورها شويتين
    هههههههه
    بس جميله يا ميرووو
    تحياتى لكى

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7468
    الموقع : مصر

    default رد: يوميات شاب معاه موبايل ...

    مُساهمة من طرف M_Fayez في الخميس يونيو 18, 2009 8:23 pm

    ايه ياميرو القصص الجامده دي
    بس هو غير الخط وغير الموبايل وغير النغمه بس نسي يغير الشخص
    يعني كان يعمل نفسه راجل مهم بقى
    هههههههههههههههههههههههههههههه
    شكرا ليكي على شوية الضحك دول

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8269
    العمر : 31
    الموقع : مصر



    default رد: يوميات شاب معاه موبايل ...

    مُساهمة من طرف meerooo في الخميس يونيو 18, 2009 8:41 pm


    ميرسي ليكوا يا جماعه ...

    فعلا هو العيب في الشخص نفسه ..

    او شكله كان عامله سيلنت ..

    هههههههه


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    مجنون
    2
    2

    الجنس : ذكر
    مصر
    تاريخ التسجيل : 23/05/2009
    عدد المساهمات : 41
    نقاط : 5560
    العمر : 35
    الموقع : جده

    default رد: يوميات شاب معاه موبايل ...

    مُساهمة من طرف مجنون في الأحد يونيو 21, 2009 3:29 pm

    ههههههههههههههههه
    بس دلوقتي الموبايل بأه حاجه اساسيه ومهدش ممكن حد ميرنش عليك دلوقتي

    shr0uk
    11
    11

    الجنس : انثى
    مصر
    تاريخ التسجيل : 02/06/2009
    عدد المساهمات : 250
    نقاط : 5755
    العمر : 23
    الموقع : tanta


    default رد: يوميات شاب معاه موبايل ...

    مُساهمة من طرف shr0uk في الجمعة يونيو 26, 2009 12:07 am

    ههههههههههههههههههه حلوه اوى يا ميروو
    بس انا اظن انه نسى يدى نمرته لحد Very Happy Very Happy

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8269
    العمر : 31
    الموقع : مصر



    default رد: يوميات شاب معاه موبايل ...

    مُساهمة من طرف meerooo في الجمعة يونيو 26, 2009 1:01 am

    شـــــــــــــكـــــــــــرا لـــــــــــمــــــــروركــــــــــم

    تـــــــــــــحــــــــلــــــــــيـــــــــــــل مــنـــطــقـــي برده يا شوشو
    إحتمال

    ههههههههههه


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    WAHHAB
    16
    16

    المنصب الإداري : الرئيس
    المنسق العام للمنتدي
    الجنس : ذكر
    مصر
    تاريخ التسجيل : 18/05/2009
    عدد المساهمات : 395
    نقاط : 6414
    العمر : 33
    الموقع : KSA

    default رد: يوميات شاب معاه موبايل ...

    مُساهمة من طرف WAHHAB في الأربعاء يوليو 01, 2009 6:48 pm

    هههههههههههه
    مكنتش اعرف ان الموضوع حساس اوي كده بس عندي اقتراح .. ممكن يعمل اعلان في الوسيط عشان يبيع اي حاجه وهيلاقي في ناس بتتصل اكيد
    تحيايتي

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8269
    العمر : 31
    الموقع : مصر



    default رد: يوميات شاب معاه موبايل ...

    مُساهمة من طرف meerooo في الخميس يوليو 02, 2009 9:47 am

    ههههههههههه
    طب والله فكرة
    بس وقتها ممكن يتخنق برده من كتر المكالمات...


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    علياء
    7
    7

    الجنس : انثى
    مصر
    تاريخ التسجيل : 31/05/2009
    عدد المساهمات : 154
    نقاط : 5980
    العمر : 37
    الموقع : kingdom capital

    default رد: يوميات شاب معاه موبايل ...

    مُساهمة من طرف علياء في الجمعة يوليو 03, 2009 5:38 pm

    جامده جدا يا ميرو ... ده بيفكرني بنفسي اول ما جبت الموبايل
    هههه

    شمس
    9
    9

    المنصب الإداري : مشرفه السينما
    الجنس : انثى
    مصر
    تاريخ التسجيل : 22/05/2009
    عدد المساهمات : 210
    نقاط : 5942
    العمر : 37
    الموقع : الرياض

    default رد: يوميات شاب معاه موبايل ...

    مُساهمة من طرف شمس في السبت يوليو 04, 2009 7:24 pm

    علياء كتب:جامده جدا يا ميرو ... ده بيفكرني بنفسي اول ما جبت الموبايل
    هههه

    ههههههههههه
    فاكره يا شمس الموضوع كان تاعبك فعلا .. كان بيجيلك 456654 اتصال في اليوم بس يا حرام صعبانه عليا والله
    انا كرهت الموبايل بسببك

      الوقت/التاريخ الآن هو الإثنين ديسمبر 05, 2016 2:30 am