كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    مجرد أسئلة ....

    شاطر

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default مجرد أسئلة ....

    مُساهمة من طرف meerooo في الأحد يونيو 14, 2009 1:18 pm


    مجرد أسئلة تكشف عن جزء من شخصيتك ...

    ياريت علي كل عضو يدخل ،، و يجاوب عليها لمزيد من التواصل بيننا ..

    و طبعا لسه علي مبدانا ...<< ممنوع دخول أى حد متشائم إلا فى حالة إنة يكون قابل للتغير ....>>

    إ تــــــــــــــفـــــــــضــــــــــلــــــــــــــو ا الأ سئـــــــــلــــــــــة....

    1.ايه أكتر موقف اتعرضتله وجعك؟

    2.إيه أكتر موقف خلاك تعيط من الفرحة؟

    3.بتلوم نفسك على ايه؟

    4.مين أول واحد تجري عليه تفضفضله؟

    5.ايه هي مواهبك؟

    6.ايه أكتر حاجة تهمك في شريك حياتك؟

    7.بتعرف تغني؟ غنيت قبل كدة فين؟ وامتى؟ومين اول واحد قالك صوتك حلو؟

    8.حلمت قبل كدة حلم واتحقق؟

    9.اكتر موقف قربك من ربنا؟

    10.موقف علمك حاجات كتير؟

    11.امتى اتحقق معاك عسى ان تكرهوا شيئا وهو خير لكم ؟؟

    12.شايف نفسك رومانسي ولا واقعي؟


    13.اكتر حاجة شاغلة بالك الفترة دي؟

    14.اخيرا المنتدي بيمثلك ايه ؟ وإيه رأيك في الاعضاء اللي تعرفهم بصراحة؟؟


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    MARYOOMA
    20
    20

    المنصب الإداري : مشرفة وحدة الصور
    الجنس : انثى
    مصر
    تاريخ التسجيل : 19/05/2009
    عدد المساهمات : 489
    نقاط : 6071
    العمر : 20
    الموقع : carizma.own0.com


    default رد: مجرد أسئلة ....

    مُساهمة من طرف MARYOOMA في الأحد يونيو 14, 2009 2:20 pm

    1- هو مش موقف هو قضاء وقدر حادثه حصلتلى ودى اكتر حاجه عمرى مهنساها ابداااااااااااا
    2- يوم خطوبه اختى :)
    3- انا عموما بلوم نفسى على حاجات كتير واكتر حاجه بلوم نفسى عليها لما اتعصب على بابا وماما
    4- انا فيا حاجه وحشه اى حد بحكيله اى حاجه حتى لو حد مش علاقتى بيه اوى
    بس اكتر حد بفضفض معاه اختى
    5- انا موهبتى النت والمنتديات
    6- انه يبقى اد المسئوليه
    7- اه بعرف ، غنيت فى الفصل السنه اللى فاتت ادام اصحابى ، وكلهم قالولى صوتى حلو بس اول واحده كان واحد زميلى فى المدرسه

    9-لما جارتنا ماتت حسيت ان الموت قريب جداااااااا فبدأت اقرب من ربنا والحمدلله الوقتى مش بسيب فرض
    10-يوم الحادثه برده دى اتعملت فيها حاجات كتير اتعلمت الصبر والتحمل وحاجات تانيه كتيييير
    11- لما بابا كان عايز ينقلنى معهد ازهرى وانا مرضيتش بس نقلت والحمدلله طلع خير ليا
    12-رومانسى
    13- الصيف والمصيف :)
    14-المنتدى حاجه كويسه وبنستفيد منه، كل الاعضاء زى اخواتى بالظبط وبحبهم اووووى واحس ان احنا اسره واحده
    لولا كده مكنتش جاوبت على الاسئله دى
    احب اشكرك يا ميروو على الموضوع
    تحياتى

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الأحد يونيو 14, 2009 5:08 pm

    شكرا يا جميل لمرورك علي موضوعي ...

    و اشكرك مرة تانيه علي الصراحه .


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7308
    العمر : 26
    الموقع : مصر

    default رد: مجرد أسئلة ....

    مُساهمة من طرف ayooosh في الأربعاء يونيو 17, 2009 2:25 pm

    ايه يا ميرو الاسئله الجامده دى

    1-فى يوم حسيت ان كل الناس مش بتحب غير نفسها وكل اصحابى اتخلو عنى حسيت انى وحيده ومش بعرف اختار اصحابى كويس وان كنت متغربه

    2-فى يوم كانت امى راجعه من العمره وضحكو عليا وقالولى انها هتتاخر عشان اروح الدرس نزلت قابلتها على السلم بجد فرحت قوى وعيط لانها كانت اول مره تبعد عنىواكيد عشان الهدايا اكيد انتى فاكره يا ميررو

    3-بلوم نفسى كتير على تسرعى وانى باخد على الناس بسرعه وبرجع اندم من قبل ما اعرفهم كويس

    4-بصراحه حسب الموقف كل واحد بيكون ليه رئى مختلفاكيد ربنا و بس اما اللى بثق فيهم بالترتيب انتى طبعا اولا وبعدين ياسمين بنت خالتى وممكن ندى احيانا وانتى فاهمنى اكيد

    5-انا مش موهوبه قوى بس بحب الرسم والكتابه على الورق الفضفضه يعنى على قدى

    6-اكتر حاجه تهمنى انه يفهمنى صح ويعرف تفكيرى ازاى وانه يكون عارف يتحمل السؤليه طبعا ويكون شخصيته جذابه يعنى مثقف ويعلمنى حجات عمرى ما عرفتها وطبعا يكون بيحترمنى وبيخاف عليا وعلى مشاعرى

    7-انا بحب اغنى بس لوحدى عمرى مغنيت قدام حد غيرك طبعا يا ميرو انتى اول واحده سمعت صوتى كنت صغيره وفين اكيد انتى عارفه فى جامعه المنصوره فين بالظبط على الرصيف كفايه كده قوووى

    8-اه حلمت اكون بنت كبيره وانى اعرف اتحمل مسؤليه نفسى وفعلا حققته لما اتغربت عشان الكليه اتعلمت حجات كتير

    9-انا الحمد لله قريبه من ربنا والحمد لله فى مواقف كتير قوى بس اللى بيفرحنى ان فى كل موقف بيحصلى ربنا بيبعتلى رساله
    من اى حد حتى لو انا معرفوش والحمد لله بتوب لربنا ديما يا رب يتقبل منى

    10-يوم كنت شايفه فيه خالتى وهى عزيزه عليا قوىزى ماما كانت تعبانه وانا خفت عليها قوى بجد بس الحمد لله شفيت

    11-لما كنت فى ثانوى كان نفسى ادخل فنون جميلهاسكندريه بس للاسف دخلت تجاره المنصوره بس حسيت فعلا ان ده خير ليا لانى مبعدتش كتير عن اهلى وحمدت ربنا

    12-رومانسيه اكيد دانا سرطان يا اومى منتهى الرومانسيه

    13-اكتر حاجه بصراحه انى ممكن اسافر فى الصيف ومش هعرف افتح نت خالص ربنا يستر وتتحل

    14-المنتدى بقى جزء من حياتى والاعضاء انا قلت رئى فيهم قبل كده

    انا اتكلمت معاكى بصراحه شديده جدا تقبلى مرورى يا ميرووووووووووو


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

    dr_fayez
    16
    16

    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 6033

    default رد: مجرد أسئلة ....

    مُساهمة من طرف dr_fayez في الأربعاء يونيو 17, 2009 7:01 pm

    meerooo كتب:

    مجرد أسئلة تكشف عن جزء من شخصيتك ...

    ياريت علي كل عضو يدخل ،، و يجاوب عليها لمزيد من التواصل بيننا ..

    و طبعا لسه علي مبدانا ...<< ممنوع دخول أى حد متشائم إلا فى حالة إنة يكون قابل للتغير ....>>

    إ تــــــــــــــفـــــــــضــــــــــلــــــــــــــو ا الأ سئـــــــــلــــــــــة....

    1.ايه أكتر موقف اتعرضتله وجعك؟
    لما سقطت وامي عيطت

    2.إيه أكتر موقف خلاك تعيط من الفرحة؟
    مش عارف بس انا دايما مش بعيط من الفرحه انا بعيط من المواقف المؤثره الحزينه
    3.بتلوم نفسك على ايه؟
    على حاجات كتير منها كام سنه عدت من عمرى من غير حاجه بس نصيب ويمكن عدم مسؤليه منى
    4.مين أول واحد تجري عليه تفضفضله؟
    قديما كانت اختى والان خطيبتى اكتر
    5.ايه هي مواهبك؟
    كتير لانى بموت من الملل يعنى الكره والنت والغنى والشعر والنثر والقصص والقراءه والموسيقى وو الخ
    6.ايه أكتر حاجة تهمك في شريك حياتك؟
    وفاؤه واحتواءه ليا ومساندته ليا مهما كانت الظروف واختلاق اعذار لاى غلطه منى مهما كانت والعتاب بحب
    7.بتعرف تغني؟ غنيت قبل كدة فين؟ وامتى؟ومين اول واحد قالك صوتك حلو؟
    اه بعرف وغنيت على مسرح الكليه فى الزقازيق فى اول سنه جامعه واللى قالى صوتك حلو مش فاكر بس تقريبا انا اكتشفت كدا بالصدفه
    8.حلمت قبل كدة حلم واتحقق؟
    اه حلمت اكبر واخلص الكليه واخطب لسه بقا استقر واتجوز واخلف واغتنى و...........مش عارف لما تيجى ظروفها
    9.اكتر موقف قربك من ربنا؟
    تجاربى كتير ومش فاكر موقف معين بس الحمد لله اخر سنه دى قربت اكتر
    10.موقف علمك حاجات كتير؟
    برده مش فاكر بجد بس كل يوم الواحد بيتعلم حاجه جديده وانا مؤمن ان اليوم اللى متتعلمش فيه حاجه هوا يوم ضايع من عمرك
    11.امتى اتحقق معاك عسى ان تكرهوا شيئا وهو خير لكم ؟؟
    لما نزلت سنه فى الكليه واللى نجحو سنتها دخلو الجيش ظباط اجبارى وانا دخلت الجيش برده السنه اللى بعدها ههههههه بس عسكرى
    12.شايف نفسك رومانسي ولا واقعي؟
    من دا على دا ويمكن الرومانسيه بتتحول مع العمر والظروف لوتقعيه مؤسفه بس الحمد لله على كل شئ

    13.اكتر حاجة شاغلة بالك الفترة دي؟
    الاستقرار
    14.اخيرا المنتدي بيمثلك ايه ؟ وإيه رأيك في الاعضاء اللي تعرفهم بصراحة؟؟
    بيمثل اخواتى اللى بطمن عليهم وبعرف اخبارهم من خلال مساهماتهم ووجودهم شرف ليا وكل الاعضاء المعرفين ليا على قمه الادب والاحترام واولا واخيرا احنا اخوات مهما كانت بينا المسافات
    [/color]


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: مجرد أسئلة ....

    مُساهمة من طرف M_Fayez في الأربعاء يونيو 17, 2009 7:47 pm

    انا جيييييييييييييييييييييت ياميرو نفسي اشارك من زمان هنا بس مش عارفه اكتب ايه اسئله صعبه ومحيرة
    بسم الله


    1.ايه أكتر موقف اتعرضتله وجعك؟
    هي كتير بس اكتر حاجه ولسه مأثرة عليا لحد الان لحظة وداع خطيبي وهو مسافر

    2.إيه أكتر موقف خلاك تعيط من الفرحة؟
    لما اتقرت فتحتي على الشخص اللي بحبه (خطيبي)

    3.بتلوم نفسك على ايه؟
    انا كتير جدا بلوم نفسي على اي حاجه غلط بعملها واكتر حاجه لما بتنرفز على حد بحبه اوي في لحظة غضب

    4.مين أول واحد تجري عليه تفضفضله؟
    اكيد خطيبي وماما برضه برتاح اوي في الكلام معاها لاننا اصدقاء

    5.ايه هي مواهبك؟
    مش قادره احدد مواهب انا بحب حاجات كتير بس مفيش حاجه مقربه مني اوي بس ممكن النت شويه

    6.ايه أكتر حاجة تهمك في شريك حياتك؟
    الحنان والاحتواء احس بوجوده جنبي حتى لو كان بعيد عني التدين طبعا والخلق الحسن في كتير والحمدلله لقيتهم

    7.بتعرف تغني؟ غنيت قبل كدة فين؟ وامتى؟ومين اول واحد قالك صوتك حلو؟
    لا دي مليش فيها خاااااااااااااااااااااااااااالص

    8.حلمت قبل كدة حلم واتحقق؟
    اه مرة في ثانويه عامه حلمت بتجربة في امتحان الكيمياء وجت في الامتحان وخليت كل اصحابي زاكروها

    9.اكتر موقف قربك من ربنا؟
    في كتير بس اكترهم
    وفاة ابن عمتي وكنا لسه في ث عامه كلنا اخذنا عظة لان كان في نفس سننا

    10.موقف علمك حاجات كتير؟
    في مواقف كتير جدا جدا او اغلب المواقف الواحد بيتعلم منها والحياة مليانه لااتذكر موقف معين

    11.امتى اتحقق معاك عسى ان تكرهوا شيئا وهو خير لكم ؟؟
    اعتقد لما دخلت كلية التجارة ومكنتش حاباها من اول يوم لاخر يوم فيها بس اعتقد كانت خير لي مع اني مستفدتش منها حاجه قاعده في البيت هههههههه بس كل اللي ربنا كاتبه اكيد خير


    12.شايف نفسك رومانسي ولا واقعي؟
    رومانسيه اكتر

    13.اكتر حاجة شاغلة بالك الفترة دي؟
    الاستقرار

    14.اخيرا المنتدي بيمثلك ايه ؟ وإيه رأيك في الاعضاء اللي تعرفهم بصراحة؟؟
    المنتدى دا بيمثلي بيتي التاني اللي نفسي احافظ عليه وبحبه جدا جدا وكل الاعضاء اللي فيه اخواتي واعرف اغلبهم معرفه شخصيه وبعضهم حبيتهم كاني عارفاهم من قبل كدا ويارب كدا نكون انجح منتدى في الدنيا بتواجدكم المشرف
    ومكونش طولت عليكم في ردودي
    وتحياتي لكم جميعا وليكي ياميرو يامتالقه دايما بس ابقى سهلي الاسئله شويه لاني احترت فيها اوي


    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الأربعاء يونيو 17, 2009 8:05 pm


    شكرا اختي ايويه ، ود/ فايز علي تواجدكم معي ...

    وعلي الصراحه في الاجابات ...

    ويارب تلاقوا السعاده اللي بتدوروا عليها وتحققوا كل احلامكم



    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الأربعاء يونيو 17, 2009 8:10 pm


    شكرا يا موني يا جميل ...

    نورتي الموضوع والله ، وكتر خيرك انك جبرتي بخاطري وجاوبتي ...


    هههههههههه


    ربنا يقربك من حبيبك ويحقق لك اللي نفسك فيه ( طبعا فاهماني ).


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: مجرد أسئلة ....

    مُساهمة من طرف M_Fayez في الأربعاء يونيو 17, 2009 10:56 pm

    اكيد ياميرو
    يلا مش هتجاوبي ولابتحطينا في الموقف الصعب وتخلعي
    عايزين نشوف ردودك Very Happy

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الخميس يونيو 18, 2009 12:23 am

    M_Fayez كتب:
    اكيد ياميرو
    يلا مش هتجاوبي ولابتحطينا في الموقف الصعب وتخلعي
    عايزين نشوف ردودك Very Happy

    يعني بتحرجيني ...
    انا كنت مستنيه للآخر
    بس هجاوب عشان خاطرك ....


    " بسم الله الرحمن الرحيم "
    والله العظيم اقول الحق


    ].إيه أكتر موقف اتعرضتله وجعك؟
    بصراحه لسه قريب ، لما اتصدمت صدمه عمري من واحده صاحبتي ،، و اتعلمت ما آمنش لحد تاني .

    2.إيه أكتر موقف خلاك تعيط من الفرحة؟
    يوم خطوبة بنت خالتي وصديقتي "دودي" لانها كانت اول بنوتة تتخطب في العيله . وكانت زي القمر "

    3.بتلوم نفسك على ايه؟
    علي التسرع في حكمي علي الاشياء و الاشخاص ، لاني ممكن آخد قرارات في لحظة غضب وارجع اندم عليها..
    او لما حد يضايقني وما اقدرش ارد عليه في وقتها .. بحس اني ضيعت حقي.

    .4مين أول واحد تجري عليه تفضفضله؟
    اطبعا محمد جوزي .. لان بجد رايه دايما بيكون صح وبقتنع بيه جداااا


    5.ايه هي مواهبك؟
    لو قلنا هوايات تبقي القراءة .. بس المواهب زمان كنت بحب عزف البيانو جدا وشاطرة فيه ، بس للاسف بعدت شوية وممكن اكون نسيت ،

    6.ايه أكتر حاجة تهمك في شريك حياتك؟
    إني أحس معاه بالحب و الأمان ....

    7.بتعرف تغني؟ غنيت قبل كدة فين؟ وامتى؟ومين اول واحد قالك صوتك حلو؟
    من جهة بعرف .. أكيييييييييييد ،، بس طبعا لوحدي او في سري وما انصحش اي حد يفكر يسمعني...

    8.حلمت قبل كدة حلم واتحقق؟
    بصراحه الحكايه دي بتحصلي كتييييييييير جدا ، حاجات كتير بحلم بيها وتحصل تاني يوم علي طول


    9.اكتر موقف قربك من ربنا؟
    الحمد لله عمري ما بعدت عن ربنا ، وفي اي موقف بيحصلي بحس انه بتقدير منه سبحانه وتعالي ،، و بحمد ربنا علي كل حال ...

    10.موقف علمك حاجات كتير؟
    بحاول اتعلم الحكمة من اي موقف بيحصلي ...

    11.امتى اتحقق معاك عسى ان تكرهوا شيئا وهو خير لكم ؟؟
    لا جديد - نفس الاجابة المعتاده - لما دخلت كلية التجارة ومكنتش حاباها من اول يوم لاخر يوم فيها بس الحقيقه استفدت منها لاني اول ما اتخرجت اتفاجئت الغرفة التجارية بتطلب محاسبين حديثي التخرج .

    12.شايف نفسك رومانسي ولا واقعي؟
    رومانسيه وده اللي موديني في داهيه ....

    13.اكتر حاجة شاغلة بالك الفترة دي؟
    ربنا يرزقني بطفل زي القمر كده ، بس اهم حاجه يسمع الكلام ..

    14.اخيرا المنتدي بيمثلك ايه ؟ وإيه رأيك في الاعضاء اللي تعرفهم بصراحة؟؟

    طبعا رايي في المنتدي واضح للجميع لاني بجد ما اقدرش يعدي يوم من غير ما ادخل .. واطمن علي اخواتي


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7308
    العمر : 26
    الموقع : مصر

    default رد: مجرد أسئلة ....

    مُساهمة من طرف ayooosh في الخميس يونيو 18, 2009 9:29 am

    Very Happy ايه يا جماعه هو كل الناس كارهين كليه تجاره كده ليه دا التجاره شتاره


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: مجرد أسئلة ....

    مُساهمة من طرف M_Fayez في الخميس يونيو 18, 2009 12:23 pm

    ايه ياميرو الاجابات الجامده دي
    كان نفسي بس اشوفك وانتي محطوطه في الموقف زيينا
    بس طلعتي شاطرة اهو
    ايوش متسمعيش كلامنا لو بتحبي التجاره ربنا معاكي
    بس اكيد اللي مش بيحبها لانها كانت مفروضه عليه
    مش اكتر

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الخميس يونيو 18, 2009 1:01 pm

    الحمد لله نجحت يعني يا موني ...

    بس والله الكليه ما كانتش سيئة للغايه يعني...

    برده كان فيها ايام جميله وذكريات مش ممكن ننساها ..

    كفايه ان احنا اتعرفنا فيها

    ولا إيييييييه ؟؟


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: مجرد أسئلة ....

    مُساهمة من طرف M_Fayez في الخميس يونيو 18, 2009 8:17 pm

    اكيد ياميرو احلى مافيها اني طلعت بااحلى صديقات
    شكرا ميرو على الحوار الرائع دا

    Mr.Bl@ck
    32
    32

    الجنس : ذكر
    مصر
    تاريخ التسجيل : 30/11/2009
    عدد المساهمات : 782
    نقاط : 6055
    العمر : 34
    الموقع : ان شـاء الله عند ربنا قريب

    default رد: مجرد أسئلة ....

    مُساهمة من طرف Mr.Bl@ck في السبت يناير 16, 2010 7:24 pm

    .ايه أكتر موقف اتعرضتله وجعك؟
    2.إيه أكتر موقف خلاك تعيط من الفرحة؟
    3.بتلوم نفسك على ايه؟
    4.مين أول واحد تجري عليه تفضفضله؟
    5.ايه هي مواهبك؟
    6.ايه أكتر حاجة تهمك في شريك حياتك؟
    7.بتعرف تغني؟ غنيت قبل كدة فين؟ وامتى؟ومين اول واحد قالك صوتك حلو؟
    8.حلمت قبل كدة حلم واتحقق؟
    9.اكتر موقف قربك من ربنا؟
    10.موقف علمك حاجات كتير؟
    11.امتى اتحقق معاك عسى ان تكرهوا شيئا وهو خير لكم ؟؟
    12.شايف نفسك رومانسي ولا واقعي؟
    13.اكتر حاجة شاغلة بالك الفترة دي؟
    14.اخيرا المنتدي بيمثلك ايه ؟ وإيه رأيك في الاعضاء اللي تعرفهم بصراحة؟؟

    ايه الجمال دا
    انا هادخل فى الموضوع علطول
    منن غير اعجاب لاموضوع ولا حاجه


    1- لما كنت بحب واحده ايام الجامعه ولما قولتلها انى معجب بيها قالتلى انا مرتبطه
    حب مراهقه وكان من غير ما اكلمها
    2- لما عرفت انى اترقيت فى حفله وكانت فى فندق فور سيزونز المفاجأه ومن المدير العام كمان كانت جميله
    3- بلوم نفسى على حاجتين اولا عدم قربى من ربنا كفايه والتانيه هى قلبى
    4- بجد دلواتى مافيش
    5- الكتابه وخاصه النثر والشعر
    6- تكون بتحبنى
    7- ولا بعرف اغنى خالص ولو بغنى يبقى فى مكان لواحدى علشان ما اتضربش
    8- لغايه دلواتى لا بس لو هاتدعولى يبقى قريب اعمل عمره ياااااارب
    9- لما كنت مع جدى رحمه الله عليه يوم مماته
    10- انا عاده بتعلم من كل المواقف بس الموقف اللى عليمنى كتيير اول ما كنت بشتغل بالاسبانى اول جمله طلعت كلها كلها مافيهاش اسبانى اصلا والجيست ضحك ثانيه كدا لغايه لما لسانى اتعدل اكيد اتعلمت الثقه فى النفس هى اهم شئ
    11- بصراحه مجالى فى اداره الفنادق ويمكن سبحان الله لما وصلت لمكان كويس حسيت بكدا
    12- اعتقد رومانسى بس جدااا
    13- ان ربنا ييسرلى الحال فى امورى القادمه يارب
    14- المنتدى بجد اصبح حاجه مهمه جدا عندى لانى بجد عمرى ما دخلت منتدى كان فيه كميه الناس المحترمه دى

    وانى اوصف دا صعب بس هاحاول ومن غير زعل بقى

    أ-مصطفى وهاب
    شخصيه جميله اوى وكمان قيادى هايل وانا عارف دا يمكن من زمان وكمان بسم الله ماشاء الله فى مجال شغله مميز
    م-ميرو
    اخت عزيزه جدا على لانها بجد شخصيه ربنا يخليها لزوجها يارب ويرزقهم علشان تبقى هى اسعد الناس
    م-فايز
    اخت محترمه وعارفه كويس هى بتعمل ايه وبجد بدعيلها انها تكون اسعد الناس ودا هايتفرع ل دكتور فايز ويارب يقرب البعيد

    اما الدكتور بقى انا ما اتكلمتش معاه كتير ولا حتى اتعاملت معاه كتير بس فعلا احساسى ومن كلامه القليل بنى ادم محترم ومهذب ومتدين يعنى مثالى ان شاء الله يارب لشخصيه خطيبته ووالله بدعيلكوا من كل قلبى ان ربنا يقرب البعيد

    المشرفه الصغيره ايوووش
    اخت عزيزه جدا جدا على ومش لانها اخت م-ميرو بس ولكن لانها فعلا من الناس الطيبه اوى وغايه فى الزوق والادب والاحترام بمعنى ادق آيه اختى فى البيت هى آيه اختى فى المنتدى الاتنين تقريبا مش اوى واحد والله

    عمرو سلامه
    ياااااااااااااااااااااااااااااه مش عارف اقول ايه ولا ايه .. عشره سنين كتير اوى ويكفى ان العيد اللى فات كان اول فطار فى عيد الاضحى لينا انا وهو ومحمد الضلع الثالث مع بعض وطبعا فى كدا كتير بس دا الاقربهم

    أ-صفاء
    انسانه متدينه معلوماتها جيده جدا بسم الله ما شاء الله واضافه لذلك مرحه


    هههههههههههه بجد يا م-ميرو انا تعبت اوى فى الموضوع دا بس هو يستاهل
    تقبلى خالص تحياتى وشكرى على موضوع كهذا
    وكمان اسفى لعدم رؤيتى له من قبل


    Mr.Bl@ck

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في السبت يناير 16, 2010 8:53 pm

    نورت التوبيك يا مستر زياد
    وكمان بحييك علي تألقك
    و الاجابات الجامده


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    Mr.Bl@ck
    32
    32

    الجنس : ذكر
    مصر
    تاريخ التسجيل : 30/11/2009
    عدد المساهمات : 782
    نقاط : 6055
    العمر : 34
    الموقع : ان شـاء الله عند ربنا قريب

    default رد: مجرد أسئلة ....

    مُساهمة من طرف Mr.Bl@ck في الأحد يناير 17, 2010 2:49 pm

    انا اللى بحييكى على الوتبك الجميل اللى استفزنى لدرجه الجلوس فتره طويله فى التفكير
    تحياتى وتمانياتى بالتوفيق دائما والتألق دائما فى سماء بيت كاريوما
    هههههههههههههههههههههه
    حلوه دى
    زياد

    صفاء
    40
    40

    الجنس : انثى
    مصر
    تاريخ التسجيل : 30/08/2009
    عدد المساهمات : 996
    نقاط : 7045
    العمر : 36
    الموقع : دنيا الخيال

    default رد: مجرد أسئلة ....

    مُساهمة من طرف صفاء في الأحد يناير 17, 2010 4:17 pm

    ايه الأفكار الجامدة دي يا ميرو بجد رائعة
    انا هشارك بعد اذنك طبعا بس معلش هيبقى فيه شوية تحفظ على الاجابة

    ايه أكتر موقف اتعرضتله وجعك؟

    وفاة حد كان قريب مني اوي في حادثة

    2.إيه أكتر موقف خلاك تعيط من الفرحة؟


    بصراحة كتير لأني زي الهبلة بعيط على اي حاجة

    3.بتلوم نفسك على ايه؟

    بلوم نفسي على حاجات كتير اوي منها اني مش بعرف احكم على الناس وبصدق اي حاجة هتقولي ايه هبلة ههههههههههه


    4.مين أول واحد تجري عليه تفضفضله؟

    والله كنت بحب افضفض لصحباتي ورغم انهم قريبين جدا مني وبيحبوني جداااااااااا بس انا الايام دي بقيت منعزلة خالص مش عارفة ليه


    5.ايه هي مواهبك؟


    لو تقصدي الهوايات هقولك القراءة والكمبيوتر وزمان يعني كدا من كام سنة ركوب الخيل
    لو المواهب


    والعزف على الجيتار

    دلوقتي ولا حاجة


    6.ايه أكتر حاجة تهمك في شريك حياتك؟


    انه يكون بيحبني اوووووووووووووووووي ورومانسي ومتدين ويقدرني




    8.حلمت قبل كدة حلم واتحقق؟


    حلمت اني اكون مدربة كمبيوتر محبوبة من الناس والحمد لله ده اتحقق وفيه حاجات كتير حلمت بيها ومش اتحققت وده طبعا علشان مش لي خير فيها

    9.اكتر موقف قربك من ربنا؟

    الحمد لله بجاهد نفسي علطول علشان اكون قريبة من ربنا ومش ابعد عنه


    10.موقف علمك حاجات كتير؟

    كل حاجة بتحصل في حياتي بتعلم منها.


    11.امتى اتحقق معاك عسى ان تكرهوا شيئا وهو خير لكم ؟؟

    كتير بس احب احتفظ بالتفاصيل


    12.شايف نفسك رومانسي ولا واقعي؟

    رومانسية جدا جدا جدا لدرجة تتعب

    13.اكتر حاجة شاغلة بالك الفترة دي؟

    كتير ،، اولا انا بعمل دبلومة في الشبكات والبرمجة ونفسي انجح فيها لأنها صعبة اوي

    ثانيا : انا خلاص هسافر اسكندرية واعيش فيها لغاية زواجي فقلقانة من نظام الشغل هناك

    ثالثا : احب احتفظ بيها لنفسي


    14.اخيرا المنتدي بيمثلك ايه ؟


    بصراحة بيمثلي العائلة الجميلة اللي بكون في حضنها ولما بكون مضايقة ولا سعيدة بلجألها

    وإيه رأيك في الاعضاء اللي تعرفهم بصراحة؟؟

    بصراحة انا مش هقدر اقول كل واحد على حدا لسبب اخاف انقص من قدر حد من الاعضاء بس بجد كلهم بسم الله ما شاء الله محترمين جدا وطيبين وانا بحبهم كلهم جداااااااااااااااااااا

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: مجرد أسئلة ....

    مُساهمة من طرف meerooo في الإثنين يناير 18, 2010 3:55 pm

    نورتي يا صافي و ربنا يسعدك دايما يارب
    و يحقق لك كل اللي تتمنيه


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    صفاء
    40
    40

    الجنس : انثى
    مصر
    تاريخ التسجيل : 30/08/2009
    عدد المساهمات : 996
    نقاط : 7045
    العمر : 36
    الموقع : دنيا الخيال

    default رد: مجرد أسئلة ....

    مُساهمة من طرف صفاء في الثلاثاء يناير 19, 2010 1:55 am

    شكرا لكي يا ميرو
    وانتي كمان ربنا يسعدك ويفرح قلبك

      الوقت/التاريخ الآن هو السبت ديسمبر 10, 2016 8:55 am