كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    قصه للتوبه لفتاه .......ارجو الاستفاده

    شاطر

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7304
    العمر : 26
    الموقع : مصر

    default قصه للتوبه لفتاه .......ارجو الاستفاده

    مُساهمة من طرف ayooosh في الجمعة مايو 29, 2009 11:36 am

    السلام عليكم ورحمة الله وبركاته


    أنا عايزة النهاردة أحكيلكم قصتى مع الأغانى وإزاى ربنا تاب عليا منها
    أنا لما كنت صغيرة كنت مدمنة أغانى بصورة جامدة أوى
    كنت طول النهار أعده قدام قنوات الأغانى بتابع بشغف أغانى المطرب فلان والمطرب علان
    كان شغلى الشاغل طول النهار هو الأغانى
    ولما كنت أقوم أرتب البيت مثلاً أو أرتب الغرفة بتاعتى كنت بشغل الكاسيت جنبى عشان أتسلى وأنا بشتغل
    ولو زهقت من الأغانى الى عندى على الكمبيوتر أو الكاسيت كنت بشغل الراديو على المحطات المتخصصة فى الأغانى الشبابية
    وحتى لما كنت بنزل مشوار أو بروح المدرسة كنت باخد الوكمن بتاعى وطول الطريق بسمع أغانى أو بين الحصص أو فى الفسحة
    يعنى بإختصار كنت بسمع أغانى ليل ونهار
    بس الشئ المُخجل بجد هو فى رمضان!!!
    حتى فى رمضان كنت بسمع أغانى!!!!!
    ياالله حتى فى رمضان!!!
    الشهرالكريم الى الناس بتنسى فيه الدنيا وبتبقى مع ربنا بقلبها وعقلها وكل كيانها
    شهر رمضان الى الناس بتتسابق فيه على الصلاه وفعل الخيرات عشان الحسنة بأضعافها
    فى شهر رمضان الى ناس كتير بتوب فيه!!!!
    بس للأسف أنا مكنش فى بالى كل الحاجات دى وقتها!!
    أنا كان بس فى بالى لو سمعت أغانى بعد الفطار مفهاش أى حاجة
    محنا صومنا خلاص طول النهار وقرينا قرآن مفهاش حاجة لو بليل سمعتلى أغنية على الماشى
    وطبعا فرحت أوى لما جبت موبيل بيرن بالأغانى عشان أحط لكل حد من أصحابى أغنية حلوة
    المشكلة إن سماع الأغانى مش ذنوب وبس
    لأ!!!
    سماع الأغانى بيضيع وقت كبير أوى من عمرالإنسان
    يعنى تخيلوا أنا كنت بضيع وقت قد إيه عشان أدور فى النت على الأغنيه الى أنا عايزاها
    يعنى ممكن أقعد بالساعات على النت بس عشان أغنية وحده!!
    والأغانى كانت مسيطرة على حياتى لدرجة إنى لما كنت بقوم أصلى الفجر كنت بردد جواية آخر حاجة سمعتها قبل منام!!!
    شفتو إزاى حياتى كلها كانت أغانى
    بس ياترى إزاى قدرت بفضل الله أبطل أسمع أغانى!!!
    أنا زمان مكنتش أعرف حاجة عن سوء الخاتمة ولا حسن الخاتمة
    ولا كنت أعرف إن الإنسان بيُبعث يوم القيامة على آخر حاجة كان بيعملها قبل ميموت
    فى مرة من المرات كان حد من العائلة عندى فاتح التليفزيون وكان الشيخ صفوت حجازى بيتكلم عن سوء الخاتمة وقال ححكلكم قصة شاب مات وهو بتفرج على موقع إباحى
    وبدأ يحكى قصة الشاب الى كان بليل آعد لوحده وبيتفرج على موقع إباحى ولما دخلت عليه ولدته تطمن عليه كانت المفجأة الكبرى!!!
    لاقيته مرمى على الأرض وعارى تمام من هدومه ولاقيت شاشة الكمبيوتر مليانة صور محرمه
    طبعا الأم جريت عليه عشان تشوف إبنها ماله
    و إذ الولد ميت!!!
    يالله ميت!!!
    تخيلوا معى واحد مات وهو بيتفرج على مواقع إباحيه!!!!
    شئ فظيع بجد!!!
    تخيلوا الواحد تبقى نهايته كده!!!!
    هزتنى أوى القصة دى وخلتنى ألتفت لنفسى وأراجع حياتى مرة تانية وأشوف أن بعمل إيه فى حياتى
    أول حاجة إفتكرتها هى الأغانى الى أنا غارقنة فى سمعها طول النهار والليل!!
    تخيلت نفسى وأنا فى يوم بسمع أغانى ومت!!!
    تخيلت نفسى وأنا يوم القيامة ربنا بعثنى وأنا بسمع أغانى!!!!
    قارنت بين نفسى إذا مت وأنا بسمع أغانى ومت وأنا على طاعة!!!
    فرق كبير فعلا
    إنتابنى إحساس فظيع بالخوف
    لإن ممكن أى واحد يبقى فى موقف الولد ده بإختلاف نوع المعاصى طبعا
    وفعلا حسيت بخوف غريب جوايه
    ومنها وقررت أتوب إلى الله وأبطل أسمع أغانى
    ووقتها بس حسيت كأنى كنت فى غيبوبة وفقت
    حسيت كإن حد إدانى ألم جامد وقلى فوقى قبل فوات الأوان
    أنا حولت زمان كتير أقلل من سماع الأغانى وكنت فعلا أوقات بقلل منها بس كنت بعد فترة برجع تانى أسمع أغانى كتير
    ولما بطلت أسمع أغانى حسيت قد إيه أنا كنت ظلمه نفسى
    عشان كنت بضيع وقتى كله على الفرجة على أغنيه أو تحميل أغنية
    وبدأت بدل ما أشغل أغانى طول النهار أشغل قرآن
    لما بدأت أعمل كده بجد بقى لحياتى معنى تانى وبقيت أحس إحساس تانى غير الى كنت بحسه وأنا بسمع أغانى
    مع سماع كلام الله بقيت أحس براحة غريبة جوايه
    كفايه بس إنى بقيت لما أقوم على صلاه الفجر بدل ما أردد جوايه أغانى أردد جوايه قرآن
    حتى رمضان بالنسبالى بقى شكل تانى
    بقي همى كله فى رمضان أنزل أصلى عشان أسمع قرآن
    يالله إحساس تانى بجد!!!
    إفتكرت نفسى والناس أعده فى رمضان بتدعى وتبكى وتستغفر وتتوب و أنا أعده هيمانه مع الأغانى!!!
    الحاجة التانية الى ساعدتنى إنى أشيل الأغانى من موبيلى
    هى إبن أختى الرضيع
    تخيلوا
    رضيع يبقى سبب من أسباب إقلاعى عن المعصيه!!!
    لما أختى أنجبت وأعدت عندنا فترة من الزمن وكنت بدأت أبعد عن الأغانى
    كنت مرة حطة موبيلى جنب إبن أختى الرضيع ورن الموبيل أغنيه
    بصيت للموبيل وبصيت للرضيع وقلت فى بالى
    إيه الى أنا بعمله ده!!!
    الرضيع ده ذنبه إيه يسمع أغانى وودانه تتلوث كده وربنا خلقه على الفطره!!!!
    طب أنا كنت بسمع أغانى وأنا مدركه أنا بعمل إيه!!
    بس هو ذنبه إيه يسمع معايا أغانى
    إتكسفت من نفسى جدا لما حسيت أنى بأذى الرضيع ده وهو ملهوش ذنب
    لانه ميقدرش يختار هو عايز يسمع إيه ولا يقدر يقولى لأ أنا مش عايز أسمع
    ده أنا كده بخليه يفتح عينه على الدنيا وهو بيسمع أغانى
    وخصوصا لما سمعت إن حتى الرضيع بيتأثر بأول حاجة سمهعا
    وأدركت معنى كلام ربنا لما قال
    (وما ظلمهم الله ولكن كانوا أنفسهم يظلمون)
    فعلا الإنسان لما بيعمل معصيه فعلا بيظلم نفسه
    والحمدلله الذى هدانا لهذا وماكنا لنهتدى لولا أن هدانا الله


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8275
    العمر : 31
    الموقع : مصر



    default رد: قصه للتوبه لفتاه .......ارجو الاستفاده

    مُساهمة من طرف meerooo في الجمعة مايو 29, 2009 1:03 pm



    جعله الله في ميزان حسناتك يا يويو ...


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    MARYOOMA
    20
    20

    المنصب الإداري : مشرفة وحدة الصور
    الجنس : انثى
    مصر
    تاريخ التسجيل : 19/05/2009
    عدد المساهمات : 489
    نقاط : 6067
    العمر : 20
    الموقع : carizma.own0.com


    default رد: قصه للتوبه لفتاه .......ارجو الاستفاده

    مُساهمة من طرف MARYOOMA في الجمعة مايو 29, 2009 1:31 pm

    شكرا ايوش على الموضوع الرااااااااااااااااااائع دا
    وجعله الله فى ميزان حسناتك
    وننتظر مزيد من مواضيعك الرائعه

    البروفيسور
    10
    10

    الجنس : ذكر
    مصر
    تاريخ التسجيل : 21/05/2009
    عدد المساهمات : 229
    نقاط : 5774
    العمر : 35
    الموقع : الرياض

    default رد: قصه للتوبه لفتاه .......ارجو الاستفاده

    مُساهمة من طرف البروفيسور في الجمعة مايو 29, 2009 1:43 pm

    جزاكى الله خيرا

    وأعاننا وإياكى على طاعة الرحمن

    شكرا

    noony
    1
    1

    الجنس : انثى
    مصر
    تاريخ التسجيل : 18/05/2009
    عدد المساهمات : 15
    نقاط : 5539

    default رد: قصه للتوبه لفتاه .......ارجو الاستفاده

    مُساهمة من طرف noony في الجمعة مايو 29, 2009 2:02 pm

    شكرا ايوش على الموضوع الجميل دا
    وننتظر منكى المزيد من موضوعاتك

      الوقت/التاريخ الآن هو الخميس ديسمبر 08, 2016 8:08 pm