كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    المهم نرجع لموضوعنا

    شاطر

    dr_fayez
    16
    16

    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 6033

    default المهم نرجع لموضوعنا

    مُساهمة من طرف dr_fayez في الإثنين مايو 25, 2009 2:28 pm

    "سيادتك تقدر تتفضل هنا الدكتور عنده حاله وحضرتك وراها على طول"
    (من الواضح ان اليوم زحمه عند هذا الدكتور الكبير اخصائي الطب النفسي)
    قالها( التمرجي) بعدما اعطيته( بقشيش او اكراميه او دخان اي معنى )
    المهم انها المفتاح السحري لكل باب مغلق وكل طابور طويل بها
    ستعبر المحيطات وتسافر عبر الزمن فالبقشيش يااخواني هو من غير
    (النظريه النسبيه) للعظيم "اينشتين "...
    (بالطبع تعرفون قصدي )
    المهم "نرجع لموضوعنا "
    انتظرت مايقرب من الساعه رغم انفي ورغم "البقشيش "لدرجة انني
    كدت ان اصل الى جنون اكبر واقتل هذا( التمرجي )ووقتها حاولت
    ان افكر في شيء اخر تعويضا عن وقت الانتظار ظللت افكر
    لماذاوصل بي الحال لهذا الوضع ؟ لماذا يعاملني الناس على انني "مجنون"؟
    مع ان نصف المجتمع يذهب الى الطبيب النفسي ولااستبعد ايضا ان
    الطبيب النفسي يذهب الى طبيب نفسي اخر.. ههههههههه
    هي دي الدنيا ولكن لن افكر في كلام الناس الان لقد وصل الى نهايته
    لم يعد يقلقني بمعنى انني تعودت عليه والافضل ان افكر في اسباب
    جنوني كما يقولون وكيف اعالج نفسي لاني اؤمن ان العلاج سوف يبدأ
    من داخلى اولا و طبعا اولا واخيرا بفضل "الله" سوف اشفى والدكتور
    ماهو الا وسيله للوصل الى العلاج النهائي ....
    المهم "نرجع لموضوعنا "
    يااستاذ...........يااستاذ !!!!!!!!
    نطقها "التمرجي" وانا شارد افكر بصوت افزعني رديت عليه (بنعم )
    قال دورك يااستاذ...
    دخلت على الدكتور فقال لي تفضل هنا على" الشيزلونج "(الاريكه)
    واسترح فعلت كما يقول وقال كأي دكتور نفسي رايته من قبل
    في "التليفزيون" (المقدمه المعروفه)
    "عايزك تعرف ان الكلام اللي هيتقال بيننا الان سر يموت مع موت الطبيب
    وعايزك تديني ثقتك وتتكلم كانك مع واحد صاحبك او حد قريب منك جدا
    ومش هتندم ان شاءالله "
    حاولت الاسترخاء فعلا وبدات اتكلم ولكن من ماذا سابدأ؟؟؟
    هل احكي له عن:
    -طفولتي المعدومه المحرومه ......وكيف ولدت وفي فمي معلقه ذهب ههههههه
    -ام ذكريات عملي والاسطى ابراهيم يصفعني بالقلم...... اقصد انني انا الذي كنت اصفع
    الاسطى عندما ابطأ في تصليح الماكينه في الورشه التي نملكها .
    -ام ايام المراهقه التي كنت البس فيها طقم واحد ورثته عن اخي الاكبر عندما صغر عليه
    وكان اصحابي يلبسون كل يوم طقم شكل دا غير( التريقه ).......اقصد انني كنت اغير كل ساعه
    طقم ويااااااااه على الملل من اني اروح كل يوم الهيبر اعمل" شوبنج "واصحابي دايما
    يحسدوني هههههههههه
    -ولا لما كنت اعجب ببنت حلوة ودايما يكون لي صاحب غني ياخدها مني معاه فلوس بقى
    وطبعا كنت بكتشف ان نظرات البنت ليا دي مكنتش اعجاب كانت عطف وشفقه...... اقصد انني
    كنت بخطف كل البنات الحلوين من اصحابي عشان ثروتي طبعا ههههه
    -ولاايام الجامعه بقى واللي كان بيحصل لما كنت بستلف من اصحابي او ابرشت عليهم
    عشان اطلع معاهم رحله ولامصيف ولاحتى نروح سينما ولا......ولا.....الخ
    اقصد انني كنت دايما بروح الرحلات الجامده زي شرم والغردقه ودايما كنت بعزم اصحابي
    كلهم( فييس) بقى ههههههههه
    ولا ايام ماكنت بزاكر تحت لمبه الشارع في الثانويه العامه عشان مكنش في بيتنا كهربا .....
    اقصد كنت بذاكر على لمبه الكلوب اللي في مكتبي اللي في فيلتنا طبعا ههههههه
    بصراحه مكنتش عارف احكيله على ايه ولاايه ؟!!!!!
    المهم" نرجع لموضوعنا "
    قال: لى نبتدي من ايام ماانت حسيت انك تعبت نفسيا
    قولتله: مش عارف اقولك ايه يادكتور
    اقولك اني تعبت من الدنيا ولامن الناس ولامن الاحلام اللي متحققتش
    ولاالاحلام اللي طلعت اوهام ولامن الظلم اللي انا عانيته( معلش اقصد الحياة المرفهه )
    اللي انا عايشها واللي زاد وغطى......
    ان شقى عمري اللي حطيته في شقه اتنصب عليا
    وراح وصاحب العمارة اخد الفلوس وخلع ومحدش عارف طريقه وعادي كل يوم بتحصل
    وتيجي تشتكي يقولولك "القانون لايحمي المغفلين "
    المهم "نرجع لموضوعنا"
    رد الدكتور وقال: لي الظاهر انك اتعقدت اوي من الحياه وعلاجك عندي
    قولتله: ابوس ايدك اوصفه لي
    قال :لي حلك انك تروح البيت اللي هناك دا ...!!
    قولت له بيت ايه ؟!!!
    فتح الشباك وشاورلي على البيت و"اتصدمت "
    وقولت في نفسي ازاي مجاش على بالي البيت دا!!!!!!!!
    كل الوقت دا وازاي مفكرتش اني حتى اعمل له زيارة
    وكان عندي شك بس
    المهم "نرجع لموضوعنا"
    شكرت الدكتور ونزلت واتجهت ناحية البيت اللي شاورلي عليه
    واكتشفت ان فلوس الكشف اللي دفعتها للدكتور كانت" اغلى فلوس دفعتها في حياتي "
    لانها ارشدتني الى الطريق الصحيح
    وكان البيت دا اول طريق النور
    لانه كان بيت كل" محتاج وشريد بلا مأوى "
    "بيت الله "
    (المســــــــــــــــــــــجد )

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: المهم نرجع لموضوعنا

    مُساهمة من طرف meerooo في الإثنين مايو 25, 2009 3:58 pm

    تسلم إيدك
    الموضوع جميل جدا
    و فعلا بيت الله هو ملجأ كل محتاج
    و يارب يهدينا جميعا ..

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: المهم نرجع لموضوعنا

    مُساهمة من طرف M_Fayez في الإثنين مايو 25, 2009 5:21 pm

    قصه رائعه جدااا وهادفه
    دامت افكارك المتجدده والمتميزة
    وتقبل تحياتي

    MARYOOMA
    20
    20

    المنصب الإداري : مشرفة وحدة الصور
    الجنس : انثى
    مصر
    تاريخ التسجيل : 19/05/2009
    عدد المساهمات : 489
    نقاط : 6071
    العمر : 20
    الموقع : carizma.own0.com


    default رد: المهم نرجع لموضوعنا

    مُساهمة من طرف MARYOOMA في الإثنين مايو 25, 2009 8:14 pm

    رااااااااااااااااااااااااااااااااااااائعه دكتور فايز اشكرك جدا على هذه القصه
    وفعلا بيت الله هو مأوى كل محتاج وكل ضعيف والدعوى الى الله هى التى
    تخرجنا من اى ازمه
    وننتظر مزيدك ودائما فى تقدم ان شاء الله
    تقبل مرورى واحترامى

    dr_fayez
    16
    16

    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 6033

    default رد: المهم نرجع لموضوعنا

    مُساهمة من طرف dr_fayez في الإثنين مايو 25, 2009 10:00 pm

    مرسى ليكو جميعا

    وبجد انا مبسوط

    وان شاء الله اكون عند حسن الظن دوما


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    silentemotions
    موقوف
    موقوف

    الجنس : انثى
    مصر
    تاريخ التسجيل : 18/05/2009
    عدد المساهمات : 114
    نقاط : 5673
    العمر : 30
    الموقع : فِي عَالَمي الخَاص

    default رد: المهم نرجع لموضوعنا

    مُساهمة من طرف silentemotions في الأربعاء مايو 27, 2009 1:48 pm

    قصــــه رائعه

    جامده يادكتور فايز ومؤثره جدا

    سلمت يداك

      الوقت/التاريخ الآن هو السبت ديسمبر 10, 2016 12:46 pm