كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    حلــمـــك بــيــن اعتــقــــــادكـــ وأفـــــعـــــالكـــ

    شاطر

    صفاء
    40
    40

    الجنس : انثى
    مصر
    تاريخ التسجيل : 30/08/2009
    عدد المساهمات : 996
    نقاط : 7047
    العمر : 36
    الموقع : دنيا الخيال

    default حلــمـــك بــيــن اعتــقــــــادكـــ وأفـــــعـــــالكـــ

    مُساهمة من طرف صفاء في السبت يناير 30, 2010 12:34 pm

    الســـــلام عــليــكم ورحـــمة الـله وبـركـــاتـه


    النهاردة هنتكلم عن حاجة حلوة اوى اكيد كل واحد فينا بيفكر فيها

    وهى امنياته وسعادته فى ايه

    منا كتير اللى بيحاول يحقق احلامة , مننا اللى ماشى فى طريق تحقيق الحلم

    اللى قطع شوط طويل واللى المشوار لسة طويل قدامه

    اهم حاجة ان كل واحد لازم يبقى ليه هدف , لازم يؤمن بنفسه الاول ويؤمن فى الحلم ده

    وانو يقدر يحققه ,

    سعادة الانسان شىء محتاج اننا نسعى اليه . السعادة مش بتيجى لحد عندنا

    السعادة هى اللى احنا بندور عليها , نسعى ليها

    عشان تكون سعيد فى حياتك لازم تستمتع بطعم كل حاجة انت بتعملها , والا ميبقاش ليها طعم

    وبالتالى لما تتمنى حاجة احلى واحسن اكيد هيبقى ليها طعم وشكل تانى اجمل

    الهدف هو اللى بيدى خلفيه عن شخصيتك , على قد حلمك وامنيتك شخصيتك هتبقى ايه

    هل انت قادر انك تحقق الحلم ده ولا لأ

    هل بتقول لنفسك انا أقدر ولا لأ

    اللى فاكر ان الحلم او الامنية صعبة انها تتحقق وحقق بعض اللى كان عايزه

    ايه الاصعب من كدا ....... ؟

    تفتكرو ايه هو اللى اصعب من تحقيق الحلم ؟

    انك شايف ان امكانية تحقيقه هى اللى مستحيلة ....... تخيل !!

    يعنى اعتقادك هو الاصعب !!!!

    لان افكارنا ستصبح افعال , وبالتالى انت فاكر انك هتقدر تطلع الجبل ده .. حتماً هتقدر

    لأنك اعتقدت انك تقدر ,

    فى حاجة تانية , اللى فاكر ان فيه حاجات كتييييرة صعبة انها تتحقق

    لو انا مثلاً شايف قدامى واحد شغال فى وظيفة كويسة جداً , اكيد نفسى ابقى زيه

    طيب ايه العائق ؟ انى اتخيل انى مستحيل ابقى زيه .

    طيب احاول كدا اقرب منه واتصاحب عليه ..... مش شايف ان فيه فرق بينى وبينه

    دا انا مكن اكون احسن منه فى حاجات كمان ..

    الكلام ده لا ينطبق على فقط ولكن ينطبق على الجميع , هتلاقى ان الفرق الوحيد انه استغل فرصته وبقى فى المكان ده

    اقوى مثال لأصحاب الاعتقادات السلبية ..

    انت دلوقتى بتقولى ان فيه حاجات مستحيلة صح ؟ ..... انا معاك وفاهم وجهة نظرك اوى

    فعلاً فيه حاجات صعبة .

    تقدر تنط من على سور ارتفاعه 20 متر ....... ؟ لأ

    اوكى معاك

    انت دلوقتى شغال فى مصنع وفيه سور بنفس الارتفاع وفيه قنبله هتنفجر وتنسف المكان بعد 5 دقايق
    وكل الابواب مقفولة !!! همممممممم هتعمل ايه !
    فكرك راح لفين دلوقتى . السور مش كدا ! اه

    ايه ده . ايه اللى غير فكرك كدا , انت من شوية كنت بتقول مش هقدر . طيب ايه اللى خلاك تقدر دلوقتى ؟!

    تحـــب اقــولـك ايـه ؟

    قوة ارادتك . طيب جت منين دى دلوقتى واشمعنى فى الوقت ده ؟
    انت حسيت انك فى خطر وخت قرار انك تنط من على السور ووثقت بنفسك اوى انك تقدر
    لان لو انت معملتش كدا اكيد هتموت .

    طب فين المستحيل بقى , اااااااااااااه دا فكرى السلبى هو اللى كان بيخلق المستحيل ده ؟

    طيب ايه الحل .. بسيط .

    حسس نفسك ان هدفك ده لازم تتعب اوى عشانه والمسألة حياة او موت
    زى مثال السور الطويل كدا

    بس خللى بالك اوى . ده يرجع لمدى تقديرك لأهمية الحاجة اللى انت عايزها

    لو فعلا عايز الحاجة دى اكيد هتقدر تحققها

    مثال بسيط اوى زى اللى بيفدى روحه عشان حبيبته , اخوه او او او مثلاً

    ايمانك بنفسك وبالله هتلاقى ان مفيش مستحيل

    لو وصلت وحققت جزء من اللى انت بتتمناه هتلاقى نفسك بتسأل سؤال وانت فى اشد الاستغراب

    انا ازاى كنت فاكر ان الحاجة دى كدا ؟؟!!

    لكن لما حققته لقيته عادى

    لازم المجهود وفى حاجة مهمة اوى لازم ناخدها فى الاعتبار ان كل شخص ليه قدرات معينه
    دى اكيد لازم نركز عليها
    ولكن الاجمل في العالم نتكلم عن اطار الاستطاعة فى من هم اصحاب القدرة على فعل الشىء ويدعون بعدم امكانية تحقيقه .

    المستحيل ....... لاشىء .

    Impossible Is Nothing

    منقول منقول منقول

    اختم الموضوع بأحلامي وامنتياتي اللي انا عايزة احققها
    أولا اختم القرآن الكريم
    ثانيا : اني ربنا يسعدني مع الانسان اللي هرتبط بيه ويقدرني اني اسعده
    ثالثا: اخلص الكورس اللي بدرس فيه واشتغل في المكان اللي نفسي فيه باذن الله.
    رابعا:اني احافظ على علاقتي مع صديقاتي العمر كله.

    ياريت كل واحد يبقى يقول حلمه وطموحه اللى عايز يحققه .

    وربنا يوفق الجميع

    تحيـــــــــــاتـــى

    Mr.Bl@ck
    32
    32

    الجنس : ذكر
    مصر
    تاريخ التسجيل : 30/11/2009
    عدد المساهمات : 782
    نقاط : 6057
    العمر : 34
    الموقع : ان شـاء الله عند ربنا قريب

    default رد: حلــمـــك بــيــن اعتــقــــــادكـــ وأفـــــعـــــالكـــ

    مُساهمة من طرف Mr.Bl@ck في الأحد يناير 31, 2010 1:48 am

    نقل مميز كالعاده أ-صفاء
    موضوع جميل جدا


    امنياتى بقى ربنا يسترها علينا
    تحياتى

    صفاء
    40
    40

    الجنس : انثى
    مصر
    تاريخ التسجيل : 30/08/2009
    عدد المساهمات : 996
    نقاط : 7047
    العمر : 36
    الموقع : دنيا الخيال

    default رد: حلــمـــك بــيــن اعتــقــــــادكـــ وأفـــــعـــــالكـــ

    مُساهمة من طرف صفاء في الأحد يناير 31, 2010 9:45 am

    شكرا ليك أ / زياد على مرورك الكريم
    ودي امنية جميلة كلنا بنتمناها
    بس انا بجد عيزاك تكتب احلامك وطموحك ايه علشان كلنا ندعيلك
    تحياتي

      الوقت/التاريخ الآن هو الأحد ديسمبر 11, 2016 2:15 am