كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    الجيل الموكوس !!!!

    شاطر

    WAHHAB
    16
    16

    المنصب الإداري : الرئيس
    المنسق العام للمنتدي
    الجنس : ذكر
    مصر
    تاريخ التسجيل : 18/05/2009
    عدد المساهمات : 395
    نقاط : 6410
    العمر : 33
    الموقع : KSA

    default الجيل الموكوس !!!!

    مُساهمة من طرف WAHHAB في الأحد مايو 24, 2009 3:09 am

    كيف تعرف انك احد ابناء الجيل الموكوس؟

    والجيل الموكوس
    هو جيلي جيل المواليد من 1980 وحتى 1985 اللى كانوا ضحية مجتمع تحول حديثا
    من قمة الاشتراكية لقمة الانفتاح فخرج الجيل بلا رموز فكرية أو ثقافية أو
    فنية أو حتى في الشكل والملبس..عايز تتأكد أنك من الجيل الموكوس؟؟ راجع
    معايا..

    1.اذا 3ان لبسك الصيفي في يوم من الايام مكون من مجموعة تيشرتات (كيلفن
    كلاين) مضروبة وبناطيل تلجي شارل ستون (يا حبذا لو كانت ماركة انتربول
    التركية كنت تبقى ملك).

    2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

    3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة
    فيهما ثم فوجئت عند مشاهدهما على الفضائيات ا ن التليفزيون المصري كان
    يخدعك طوال هذه السنوات ويعرض لك (ربع المسرحية).

    4.اذا كانت الخيارات المتاحة امامك لمشاهدة فيلم في السينما هي فيلم نادية
    الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل
    امام (مكانش بقى زعيم لسه).

    5.اذا كانت الخيارات المتاحة امامك لمشاهدة مسلسل في التليفزيون هي مسلسل
    أحمد عبد العزيز التاريخي أو مسلسل أحمد عبد العزيز الرومانسي أو
    مسلسل20أحمد عبد العزيز الصعيدي.

    6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).

    7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

    8.اذا كنت شاهدت اثنين او اكثر من حفلات ليالي التليفزيون والتي كان
    الاعلان عنها يصحبه رقم الليلة (ليالي التليفزيون..الليلة السادسة
    والعشرين)..حتى ج اء الاختراع اللى اسمه مارينا وقرروا ينقلوا الحفلات فيه
    لتقضى نحبها وتدفن بمقابر الساحل الشمالي.

    9.اذا كنت تشاهد عند عودتك من المدرسة أو الجامعة برنامج (أماني وأغاني)
    لتشاهد أحدث الكليبات المكررة يوميا متحملا في سبيلها سماجة مذيع البرنامج
    (احمد مختار).

    10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

    11.اذا كنت عاصرت مشكلة ادمان الهيروين وحاصرتك تم
    a 7ما
    في الافلام والمسلسلات والاعلانات والصحف (جميع نجومنا ونجماتنا تقريبا
    لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح
    حالته بهذا السوء إلا بعد أن يتعدى مرحلة الشم لمرحلة الحقن!).

    12.اذا تكون عاصرت انحسار مشكلة ادمان الهيروين بعد ادراك الشباب لاخطاره
    واتجاه العاقلين منهم للحل السحري الأكثر أمانا ومتعة (الحشيش)!!!

    13.اذا تكون شاهدت على الحجار مرتين في يوم واحد على نفس القناة...مرة
    العصر مرتديا التيشرت والشورت والنضارة الشمس وهو يغنى (يا اسكندرية يا
    مدوبانى) ومرة الفجر مرتديا الجلباب والجبة وهو يغني (صلينا الفجر فين).

    14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

    15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه ا=
    d 9عدد وربع جنيه لتحصل على عدد آخر.

    16.اذا كنت قد عاصرت الصراع على قمة مبيعات الكاسيت بين عمرو دياب (قبل ان
    يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل
    ان يتحول لدب قطبي).

    17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

    18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضح ك يابو علي يا خفيف الدم)!!!!

    19.إذا كان قمة الثقافة والعلم في رأيك ان تشاهد بانتظام حلقات برنامج
    د.مصطفى محمود (العلم والايمان) رغم الاخطاء العلمية الجسيمة به.

    20.اذا كنت قد مشيت في شوارع المعمورة لتجدها كلها تستمع لأغنية (عبد
    القادر) للشاب خالد أو (حوا) لمجدي خوري أو شريط (سحراني) لايهاب توفيق.

    21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

    22.أن تكون قد عاصرت قنب4ة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

    23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).

    24.ان تكون قد شعرت بحرج بالغ عندما شاهد والدك او والدتك احد حلقات مسلسل
    (فريندز) معك لما يحتويه على كلام جنسي بذئ (بمقاييس وقتها طبعا!).

    25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت لى المغنية بينك وبين اصدقائك لقب (المعزة).

    26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

    27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

    28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

    29.اذا تكون قد شربت أكثر من مائتي زجاجة كوكاكولا في شهر ين من أجل رحلة (البحث عن الجادون).

    30.اذا اعتدت في الصيف ان تشغل الكاسيت بصوت عالي عصرا وتقف في البلكونة
    بالفانلة الداخلية والسلسلة وفي يدك كوب الشاي والسيجارة (لو كنت مدخنا)
    مستمتعا بسماع الموسيقى ومعاكسة البنات وانت متأكد من أن الحوار الدائر
    بينهن يدور حول وسامتك!

    31.اذا تكون قد استخدمت علبة جيل الشعر كلها مرة واحدة (لو كنت ابن ناس
    ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك
    فلوس) لتقوم بزحلقة شعرك ليبدو مثل عمرو دياب في أغنية نور العين.

    32.اذا كنت قد لعبت في طفولتك باحدى اشكال لعبة (الميكانو).

    33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

    34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

    35.اذا شاهدت يوميا بعد الافطار في رمضان برنامج (بدون كلام) الذي يقدمه
    الممثل حسن مصطفى والذى اعتاد ان يستضيف زوجته ميمي جمال في أحد الفريقين
    وان يتحيز للفريق الذي تشارك فيه ويقوم بتغشيشهم.

    36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).

    37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

    38.اذا شهدت تحويل نفس الاغنية لاع=
    d 9ان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

    39.اذا كنت قد شهدت انحدار ذوق ذكور مصر لدرجة جعلت وفاء عامر ملكة
    للأغراء ونهلة سلامة نموذج للأنوثة وجعلت هياتم تغوي جميع الرجال
    بجاذبيتها الجنسية.

    40.اذا كنت قد شاهدت نادي الزمالك يترك أفضل لاعب في مصر (رضا عبد العال)
    يرحل للغريم التقليدي الأهلي بسبب رفض طلبه لزيادة راتبه السنوي برقم ضخم
    للغاية (خمست
    d8شر ألف جنيه!!!)

    41.اذا كان المسلسل الكوميدي المفضل لك في الابتدائية هو (بكيزة وزغلول)
    وفي الأعدادية هو (وانت عامل ايه) وفي الثانوية (يارجال العالم
    اتحدوا)..خاصة شخصية بطرس منقريوس التي لعبها النجم حسن حسني.

    42.اذا طاردتك ايمان الطوخي لفترة من حياتك..تجدها صباحا بطلة لمسلسل
    الأطفال (كوكي كاك) وعصرا مغنية تقول (انا من النظرة الأولى شفت الدنيا
    بلون الورد) ومساءا ممثلة تلعب دور استر بولون كى فى رأفت الهجان.

    43.اذا كانت الألعاب الألكترونية المتاحة لك تتراوح بين الاتاري الاسود
    (ابو دراعين كبار) او كومبيوتر صخر التعليمي (صاحب الالعاب السخيفة) أو
    الاتارى الفاميلى (سوبر ماريو وكابتن ماجد طبعا) أو الأميجا أبو ديسكات
    (ولعبته الشهيرة سينس بول).

    44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).

    45.اذ
    d8 سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

    46.اذا شاهدت مسلسلا للمخرج حسام الدين مصطفي ورأيته في أخر التتر بصلعته
    اللامعة وسلسلتة الذهبية ينظر للكاميرا بابتسامة غريبة وهو يشير بابهامه
    لأعلى.

    47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

    48.اذا قمت بتركيب (موتور) لتحريك الاريال فوق ا
    d9سطوح
    وقمت بتزويده بجهاز (بوستر) لتقوية الاستقبال وسهرت في ليلة صيفية تحرك
    الاريال بحثا عن قنوات المستقبل والام تي في وسيجما واسرائيل الثانية!!

    49.اذا كرهت الشخصية التي لعبتها تيسير فهمي في مسلسل (أبناء ولكن) والتي
    تسببت في تحويل حياة جميع الشخصيات الأخرى إلى جحيم..وفوجئت بها في الحلقة
    الأخيرة تندم على افعالها وتتحول لحمل وديع ويتصالح الجميع ولا عزاء
    لمرارتك المفقوعة.

    50.اذا ك6ت قد شاهدت الزمالك ينسحب مرتين من مباراته مع الأهلي..مرة في
    أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك
    في صحته.

    dr_fayez
    16
    16

    المنصب الإداري : نائب مؤسس كاريزما
    الجنس : ذكر
    مصر
    تاريخ التسجيل : 18/05/2009
    عدد المساهمات : 388
    نقاط : 6019

    default رد: الجيل الموكوس !!!!

    مُساهمة من طرف dr_fayez في الأحد مايو 24, 2009 4:45 pm

    ايه ياعم فى ايه؟؟؟؟؟؟؟؟؟؟

    انت حزنتنى على جيلى

    :(

    بس عندك حق (حظوظ)

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7464
    الموقع : مصر

    default رد: الجيل الموكوس !!!!

    مُساهمة من طرف M_Fayez في الأحد مايو 24, 2009 5:14 pm

    ههههههههه
    انا تبع الجيل الموكوس دا
    بس ليه كدا بقى هو فعلا موكوس
    كل حاجه ماشيه بالعافيه موضوع كله تفاؤل
    شكرا ليك

    البروفيسور
    10
    10

    الجنس : ذكر
    مصر
    تاريخ التسجيل : 21/05/2009
    عدد المساهمات : 229
    نقاط : 5764
    العمر : 35
    الموقع : الرياض

    default رد: الجيل الموكوس !!!!

    مُساهمة من طرف البروفيسور في الأحد مايو 24, 2009 9:47 pm

    حسبي الله ونعم الوكيل ....

    وانا يعنى كنت نسيت علشان تفكرنى

    شكرا يا سيدى

    silentemotions
    موقوف
    موقوف

    الجنس : انثى
    مصر
    تاريخ التسجيل : 18/05/2009
    عدد المساهمات : 114
    نقاط : 5659
    العمر : 30
    الموقع : فِي عَالَمي الخَاص

    default رد: الجيل الموكوس !!!!

    مُساهمة من طرف silentemotions في الأحد مايو 24, 2009 10:04 pm

    هههههههههههههههه

    طيب انا مواليد 86 مش من الجيل ده؟
    رغم انى مريت باغلب الحاجات دى هههههه

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8265
    العمر : 31
    الموقع : مصر



    default رد: الجيل الموكوس !!!!

    مُساهمة من طرف meerooo في الأحد مايو 24, 2009 10:16 pm

    آآآآآآآآآآآآآآه ... فكرتني بذكريات الطفوله و الصبي ..
    علي رأيك والله ,, جيل موكوس
    بس نسيت السهرات الدراميه " زواج علي ورق سوليفان "
    و البومات الشمعدان واللبان السحري ..
    بس والنبي كانت ايام جميله
    مش احسن من جيل روبي وهيفاء وهبي

    kiki
    2
    2

    الجنس : ذكر
    مصر
    تاريخ التسجيل : 19/05/2009
    عدد المساهمات : 42
    نقاط : 5562
    العمر : 31
    الموقع : المملكة

    default رد: الجيل الموكوس !!!!

    مُساهمة من طرف kiki في الأربعاء مايو 27, 2009 2:39 am

    كده او كده الجيل موكوس اولا انا عمري ماشاهدت برنامج اماني وأغاني ياااااااه ايه ده هو ده برنامج ده كان بيجيب اغنية علي الضحكاية علي
    ثانيا:لو سمحت مش تجيب سيرة الست الفاضلة الفنانة فيفي عبده الله ينتقم منها

    شمس
    9
    9

    المنصب الإداري : مشرفه السينما
    الجنس : انثى
    مصر
    تاريخ التسجيل : 22/05/2009
    عدد المساهمات : 210
    نقاط : 5938
    العمر : 37
    الموقع : الرياض

    default رد: الجيل الموكوس !!!!

    مُساهمة من طرف شمس في السبت يوليو 04, 2009 7:49 pm

    يااااااااااااااااااااااااااااااااااااااااااااااااااااااااااااااااااااااه
    فكرتني بالذي مضي والله يا ريس
    بس ارجع بالمواليد شويه لورا عشان ده الجيل بتاعنا بردو

    سلسبيل
    3
    3

    الجنس : انثى
    مصر
    تاريخ التسجيل : 04/07/2009
    عدد المساهمات : 52
    نقاط : 5474
    العمر : 39
    الموقع : السعوديه

    default رد: الجيل الموكوس !!!!

    مُساهمة من طرف سلسبيل في السبت يوليو 04, 2009 9:05 pm

    فعلا فعلا هذا هو الجيل الموكوس وبرضوا هو الجيل اللي عاصر كل التغيرات العصريه من القديم والحديث
    نقدر نسميه الجيل الكوكتيل

    shr0uk
    11
    11

    الجنس : انثى
    مصر
    تاريخ التسجيل : 02/06/2009
    عدد المساهمات : 250
    نقاط : 5751
    العمر : 23
    الموقع : tanta


    default رد: الجيل الموكوس !!!!

    مُساهمة من طرف shr0uk في السبت يوليو 04, 2009 11:10 pm

    طيب انا مواليد 93 و رغم كده فى بعض حاجات حاسة انى فاكراها طشاش كده لما كنت بروح لجدتى
    طب انا كدا تبع انهو جييل بقى ما اظنش بتاع هيفاء ونانسى
    احنا كده بلا مسمى يعنى :)

    Amr Salama
    22
    22

    المنصب الإداري : مستشار الرئيس
    المنسق العام للمنتدي
    المشرف العام لمنتديات العلوم والتكنولوجيا
    الجنس : ذكر
    مصر
    تاريخ التسجيل : 07/06/2009
    عدد المساهمات : 529
    نقاط : 6377
    العمر : 34
    الموقع : عالم كاريزما

    default رد: الجيل الموكوس !!!!

    مُساهمة من طرف Amr Salama في الإثنين يوليو 06, 2009 5:06 pm

    واللهى ياصديقى مش عارف اقولك ايه ..!!
    جيل موكوس ولا جيل تاية بين الحلم والواقعية ولا جيل عايش وخلاص مش فارقة معاه ولا جيل فاهم وساكت ؟؟!!

    اللى بيميزنا عن جيلنا القديم اننا عشنا الحرية والانفتاح والسلام .. بعد انتصرنا فى حرب أكتوبر
    عشنا بداية الخيال فى القراءة لمؤلفات د / نبيل فاروق و د / أحمد خالد توفيق ولا أشعار فاروق جويدة..
    والعلم والتطور والتجارة من خلال الانفتاح على العوالم التانية بعد الحرب ومازلنا العالم الثالث بردو رغم كل الامكانيات المتاحة لدينا .. ودخول المعلوماتية وتوصيل الكابلات ودخول الانترنت مصر ..تتطور الصناعة ودخول مصر الاسواق الخارجية..

    جيل فهم يعنى أيه حاسب ألى وبرامج وهاكرز وجرافيك وتصميم وشبكات وشات ..
    الفضائيات وتعدد القنوات والثقافات ..


    صحيح كنت بلعب اتارى وبتفرج على الكوكى كاك وقتها وبرنامج ل نجوى ابرهيم ( بؤلـــز ) وأختارنا لك وبانوراما فرنسية
    وشاهدت أصحاب العمارات ذو الجلاليب يقعدون امام املاكهم رجل على رجل والسياره التمساحة واقفة امامه تتغسل من الصبى اللى يعمل لديه ..زيادة تجار المخدرات وأصبحت مثل شراء كيس بطاطا من السوبر ماركت من اول الناصية ..الاقهاوى والديسكوهات ..
    التعليم والدروس الخصوصية ..

    كل يوم فضيحة لفنان أو فنانة وعمليات تجميل وشد وجواز الفنانين ومتابعة حياتهم طوال حياتنا حتى يحصل اللى متوقعينوا ونتصدم فى النهاية بالطلاق وعدم الارتياح الفنى بينهم .. بسبب من ذو الاجر النسبة الاكثر والاكثر شهرة ..
    والصحف الصفرا وأخبارها الغريبة وحبس فلان وغرامة علان من الاستاذة الصحفيين .. أختلاس مدير جهاز مدينة وشركائة .. الاهمال والتسيب .. الرشاوى هو الحل الان .. اللى لية ظهر هو اللى يخلص مشاكلة ..
    شيخ او قديس وتكرار الفضائح فى الصحف علنا .. الشباب والحرية والديمقراطية ( رمز الجيل الصاعد ) قااال .. الحجاب والمجتمع وعادات وتقاليد ..محكمة الاسرة والخلع ..البلطجة والتكاتيك وقلة الادب علنا ( بجاحة عينى عينك ) .. والسلاح الابيض هو المتكلم..
    البطالة .. البطالة..البطالة .. الخصخصة .. العولمة .. الاضراب بسبب طلب زيادة المرتبات ..الدولة ..الدخلية ..أمين الشرطة ذو عريض المكنبين كانة ( بلطجى المنطقة ) معظمهم ليس الكل .. قانون الطوارىء .. السياسة العليا فوق الجميع ..

    الله .. الوطن .. الواجب ( الجيش .. )


    أحنا عايشين ياصديقى حالة توهان وتولان .. لا راحة ولاسلام
    1980 - 1985 - 1989 - 2000 - 2002 - 2006 - 2008 - 2009 - 2012 - 2016 - 2020

    أحنا فاهمين وساكتين
    انت شايف ياصديقى فية تغيير ..
    الشاب مننا بيتعلم علشان شهادة تتعلق على الحائط وبعدها يبحث عن وظيفة بمرتب جيد لاجل الجواز ومصاريف الاطفال حتى الجامعه والجواز حتى لا يتكرر معهم نفس مشكلتلك وتفرح بأحفادك .. انها دائرة ياصديقى


    الحمدلله على كل شىء .. كل جيل ولية أحلامة ومشاكلة .
    أحنا أحسن من غيرنا ..وصدقنى أحسن من الجيل اللى قبلنا اللى عاش القهر والعذاب والدم بسبب الحرب والشهداء .

    الحمدلله برغم كل شىء

    بحـــــــــــــــبك يابلدى بحبك يامصر

    مجنون
    2
    2

    الجنس : ذكر
    مصر
    تاريخ التسجيل : 23/05/2009
    عدد المساهمات : 41
    نقاط : 5556
    العمر : 35
    الموقع : جده

    default رد: الجيل الموكوس !!!!

    مُساهمة من طرف مجنون في الإثنين يوليو 06, 2009 5:06 pm

    جامد والله يا كبير احنا والله فعلا جيل موكوس مافيش حاجه مش عدله ممرتش عليه
    هههههههههههههههههههههه

      الوقت/التاريخ الآن هو السبت ديسمبر 03, 2016 1:43 pm