كاريزما

زائرنا الكريم

يسعدنا ان تكون احد افراد اسرتنا

شاركنا لتصنع عالمك وتمتع معنا بأعلي قدر من الخصوصيه والإحترام المتبادل

وتأكد ان اختيارك لنا هو الإختيار الصحيح


تحياتنا اليك


عيش عالمك .. إصنعه بنفسك

كاريزما .. عيش عالمك .. إصنعه بنفسك .. افلام .. صور .. برامج .. أدب .. شعر .. نثر و خواطر .. أقسام خاصه بالمرأه فقط


    نصايح تنفع وقت الزنقة

    شاطر

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default نصايح تنفع وقت الزنقة

    مُساهمة من طرف meerooo في الخميس ديسمبر 17, 2009 5:33 pm

    ازيكم كلكم يارب تكونوا تمام دى شوية حاجت كدة عرفتها بتنفع وقت الززنقة

    ممكن حد يجيلك البيت فجاة او تلاقى جوزك داخل عليكى بحد من اصحابه و
    عايزينك تحضرى اكل او تقدمى حجات و المفاجاة ان اليوم ده يكون البيت مفيش
    فيه حاجات كتير او اليوم ده خصوصا اللى كنتى هتنزلى فى السوبر ماركت ترجعى
    تملى البيت تانى


    بصوا بقى ركزوا معايا :

    الاول لو عندك بس
    اتنين ثمرة فاكهة مثلا باقيين و طبعا صعب تقديمهم لوحدهم كدة يعنى مثلا
    اتنين بس كيوى و لا شوية فراولة صغيرين و لا خوختين و لا تفاحة و جوافاية
    كدة يعنى و كوباية عصير واحدة بس متتقسمش حتى على كوبايتيت بصى بقى تقطعى
    الفاكهة كبير و مش صغير لان الصغير هايغطس و مش هايبان قطعيها مربعات
    كبيرة شوية و حطى عليها شوية عصير يعنى اقسميهم على كوبايتين او كاسين
    هايكفوا و العصير هايكفى الاتنين مع الفاكهة و شاليمو ملونة و شريحة ليمون
    على الجنب و قدميه



    تانى حاجة :

    عشا و لا فطار و مفيش فى البيت غير بيضتين حتى و شوية خضار صغسرين يععنى فلفلاية على حبة زيتون كدة يعنى
    هاتى
    البيضتين و اضربيهم فى طبق و عليهم شوية الزيتون مقطعين و بصلايه و
    الفلفلاية دى و طماطم واحدة بس باقل حاجة و اضربيهم مع بعض و اعمليه قرص
    اومليت او قرصين صغيرين هايطلع حلو اوى و بيشبع موت و بيفرد كتير اوى
    معاكى و بتنقذ موقف بيبققى شكله كويس فى الطبق احسن ما تبقى بيضة مروبة و
    لا سادة كدة


    كمان فيه كيس جيلى واحد و شوية فاكهة و باكو بسكويت
    تتصرفى ازاى بصى يا ستى هاتى البسكويت و كسريه فى طبق غويط و عليه شوية
    الفاكهة اللى موجودين و اعملى كيس الجيلى و صبيه عليهم و جمديه فى التلاجة
    هايطلع طبق حلو سريع و باقل التكاليف و بيتقدم للضيوف و بينقذ موقف



    فيه تانى

    عندك كمان شوية ضيوف و عايزة تقدمى مع الفطار او العشا زبادى عندك فى البيت تلاتة و اللناس اللى هتاكل خمسة مثلا
    فضى
    الزبادى فى بولة و عليها شوية خيار متقطع صغير خالص و شوية خل و اضربيهم
    مع بعض و زوقيه بالنعناع الناشف و قدميها كدة لو كل واحد اخد معلقتين
    هتكفيهم كلهم



    كمان حاجة تانية جالك بردوا ضيوف فجاة و مش لاحقة
    تقدمى حاجة حلوة او مافيش فى البيت اعملى بودينج شيكولاتة ازاى شوية لبن و
    عليه سكر و كاكاو او شيكولاتة و سيحيها جواه قلبيها كويس و عليها كوباية
    مدوب فيها نشا و مية و بعدين يتقل

    حطى فى الكاسات بسكويت او باقى كيك
    عندك حتى قديم حتى لو نشف و فوقيه شوية البودينج و ووزعيهم على كزا كاس و
    هيعملولك كام واحد نص ساعة فى التلاجة او اقل و يتقدم على طول



    كمان لسة فيه حاجات

    كيس مكرونة واحد و شوية فراخ فيليه قليلن و ماينفعش يبقى بانيه لكل واحد حتى قطعة و فلفتين بس فى البيت يعنى ميكفيش سلطة
    اوك
    اسلقى المكرونة و اسلقى الفراخ و تبليها حلو اوى بعد ما تكونى قطعتهيا
    شرايح رفيعة و بعدين هاتى المكرونة و ضيفى عليها الفراخ و الفلفل و صلصلة
    بيضة و قدميها و خلاص

    كل واحد هياكل مكرونة بالفراخ و الموضوع خلص


    ممممم لسة فيه تانى اكيد

    شوية ايس كريم على كيك قديم و ناشف او شوية مارشمالو و لا حتة شيكولاتة بواقى يعنى
    هاتى
    الكيك او المارشميلو او البسكويت الللى موجود عندك فى البيت و ووزعيه على
    كام كاس كدة و عليه الايس كريم و رشى من فوق شوية كاكاو يبقى استفدتى من
    الكيك الناشف القديم و كمان عملتى كزا كاس من الايس كريم


    علبت و لا علبيتن زبادى و شوية فراولة و بعدين و عايزا حلو اوك بسيطة موت
    هاتى
    الزبادى و قمسه على الكاسات على حسب ما يكفى و متمليش الكاس و بعدين هاتى
    شوية الفراولة قطعيهم و عليهم سكر و حطيهم على الزبادى و بعدين هاتى سكر و
    افركيه بشوية نعناع هايبقى لونه اخضر و بيعمل طعم حلو و رشيه عليه من فوق



    عندك
    شوية سوسيس و جالك ضيوف بسيطة موت السوسيس ده قطعيه شرايح و عليه فلفتين
    على شوية بصل و طماطم بقى زى السوسيس البكينى و عمل ساندوتشات اكتر

    و ممكن بدل السوسيس فراخ بانيه او بواقى فراخ

    عندك بواقى فراخ و قليلة شوية افرميها و معاها طماطم و مايونيز كتير و هاتبقى ناعمة اعمليها فى ساندوتشات توست

    تابعونى و هاجيبلكم تانى افكار اقتصادية و بتنقذ موت


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    M_Fayez
    53
    53

    المنصب الإداري : مشرف عام للمنتدي
    الجنس : انثى
    مصر
    تاريخ التسجيل : 18/05/2009
    عدد المساهمات : 1323
    نقاط : 7478
    الموقع : مصر

    default رد: نصايح تنفع وقت الزنقة

    مُساهمة من طرف M_Fayez في الخميس ديسمبر 17, 2009 7:03 pm

    ايه ياعم الافكار الجامده دي
    دانتي فعلا ست بيت شاطره بقى زي ماانا توقعت
    تسلم افكارك ياميرو بتعرفي تتصرفي
    ههههههههه
    شكرا ليكي

    MARYOOMA
    20
    20

    المنصب الإداري : مشرفة وحدة الصور
    الجنس : انثى
    مصر
    تاريخ التسجيل : 19/05/2009
    عدد المساهمات : 489
    نقاط : 6071
    العمر : 20
    الموقع : carizma.own0.com


    default رد: نصايح تنفع وقت الزنقة

    مُساهمة من طرف MARYOOMA في الجمعة ديسمبر 18, 2009 12:06 am

    افكارك رائعه يا ميروو تنفع وقت الزنقه فعلا اصل انا اللى بتحط فيها ههههههه
    شكرا تحياتى لكى

    meerooo
    57
    57

    المنصب الإداري : نائب الرئيس
    المشرفه العامه لوحدات المرأة
    مشرفة قسم حوارات كاريزما
    الجنس : انثى
    مصر
    تاريخ التسجيل : 20/05/2009
    عدد المساهمات : 1469
    نقاط : 8279
    العمر : 31
    الموقع : مصر



    default رد: نصايح تنفع وقت الزنقة

    مُساهمة من طرف meerooo في الجمعة ديسمبر 18, 2009 12:23 am

    شكرا يا مريومة انتي وموني علي اعجابكم بافكاري
    و يارب ما تتحطوش ابدا في الزنقات دي
    نورتوووووني


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    ayooosh
    55
    55

    المنصب الإداري : المشرفه العامه للوحدات الأدبية
    الجنس : انثى
    مصر
    تاريخ التسجيل : 26/05/2009
    عدد المساهمات : 1359
    نقاط : 7308
    العمر : 26
    الموقع : مصر

    default رد: نصايح تنفع وقت الزنقة

    مُساهمة من طرف ayooosh في الجمعة ديسمبر 18, 2009 12:48 am

    بلاشك ميرو ست بيت شاطره يارب ابقى زيها مشاء الله عليها
    اكيد الموضوع بقلمك ميرو لانك شاطره قوى الصراحه شرفتينى اختى


    --------------------------------------------------------------------- التوقيع ---------------------------------------------------------------------

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو السبت ديسمبر 10, 2016 10:23 pm